ខគម្ពីរពេញនិយមពី Matthew 24

ចែក​រំលែក

Na osiandɛ emumuyɛ bɔdɔɔ so ntsi, dodowara hɔn dɔ bɛyɛ mberɛw. Na nyia obetsim ekodu ewiei no, ɔno na wɔbɛgye no nkwa.

Na ahenman ho asɛmpa yi, wɔbɛka wɔ wiadze nyina dze edzi amanaman nyina dase; na nkyii ewiei no bɛba.

Na hom bɛtse ko nye akosɛm nka: hom nhwɛ, mma hom akoma nntu, na otwar dɛ yinom nyina ba, naaso ewiei no nnyae nndurii.

Na ɔman bɔsoɛr ɔman do, na ahenman bɔsoɛr ahenman do; na ɔkɔm nye asaasewosow bɛba mbeambea. Na yinom nyina nye awoko ahyɛse.

Ɔsor nye asaase botwa mu akɔ naaso me nsɛm dze, orunntwa mu da.

Na dodowara bɛba wɔ me dzin mu dɛ, Emi nye Kraest no, na wɔadaadaa pii.

Nna wobeyi hom ama ahohiahia na woeku hom, na amanaman nyina bɛtan hom wɔ me dzin ntsi. Ɔno na ɔbɔto dodowara fintsidua, na wobeyiyi hɔnho ama, na wɔatentan hɔnho. Na nkɔnhyɛfo atorfo pii bɔsoɛr na wɔadaadaa dodowara.

Na Jesus buae see hɔn dɛ, Hom nhwɛ yie amma obi aanndaadaa hom.

Dɛm ntsi hom so hom nyɛ krado, osiandɛ dɔn a hom enyi nnda mu na nyimpa Ba no reba.

Dɛm ntsi hom nweɔn, osiandɛ hom nnyim dɔn kor a hom wura bɛba.

Na da no nye dɔn no obiara nnyim: nnyɛ abɔfo a wɔwɔ sor no, nnyɛ Ɔba no so, na Egya no nko a.

Na Kraest atorfo nye nkɔnhyɛfo atorfo bɔsoɛr na wɔakyerɛ asɛnkyerɛdze akɛse nye anwanwadze, ma sɛ annhwɛ a mpamufo no mpo wɔbɛdaadaa hɔn.

Na dɛ mbrɛ Noa nda no yɛe no, mbrɛ nyimpa Ba no ne mbae so bɛyɛ ara nye no. Na dɛ mbrɛ nda no a odzi nsuyirii no kan no, wodzidzii, na wɔnomee, wɔwaree, na wɔmaa awar dze kodur da a Noa kɛhyɛɛ hɛn adaka no mu no, na woennhu araa dze kodur dɛ nsuyirii no bae bɛfaa hɔn nyinara kɔree no, mbrɛ nyimpa Ba no ne mbae so bɛyɛ ara nye no.