ខគម្ពីរពេញនិយមពី Litanga 50

ចែក​រំលែក

Ku mwinye mwa saavira ubudamano ku inze; navutswa Nyasaye ya saavira ubulahi, kuleta yaga kuli ga veye lero, kuhonya livamwoyo lya avandu vanyingi.

Na Yosefa ya va volera, Mu ta tia mba, inze mbeye mu bugono bwa Nyasaye?

Kunangwa kalunu mu ta tia mba: inze nda mu lageridza, mwinye na avana venyu. Naye ya leminya myoyo gyavo, nokuvolerana navo nobuhokya.

Mu la volera Yosefa ndi, Mwadza, u samehe kalunu ubudamano bwa avamwavo vovo, na ubwoni bwavo, kigira va ku kolera ubudamano yibu. Na kalunu ku ku goonya, u ku samehe mahyolo ga avatumekiri va Nyasaye wa dada wowo. Na Yosefa ya lira lwa va volerana naye.

Kandi Yosefa ya volera avamwavo veve, Nkudzanga, navutswa ligali Nyasaye a la duka ku mwinye, nokumuleta kwanegira kutwula mu kivala yiki kutsia mu kivala kya yisuhira Abrahamu, na Isaka, na Yakobo.

Kandi Yosefa yesuhidza avana va Israeli, na a vola, Ligali Nyasaye a la duka ku mwinye, na mwinye mu la hila vigumba vyange vi twule hano.

Ma Yosefa ya kudza, a veye wemihiga mia na likumi liduka lilye: navo va mwembama, na va mu vika mu kisanduku mu Egepeti.