ខគម្ពីរពេញនិយមពី Litanga 39

ចែក​រំលែក

Kandi Yahova ya li halala na Yosefa, naye ya li wobugasu; na ya li mu inyumba yomwami wewe Muegepeti.

Kandi ya leka vyosi vya ya li navyo mu mukono gwa Yosefa; na mwene si ya manya kindu kali kilala ku vya ya li navyo, navutswa vyokulia vya ya lia. Na Yosefa ya li mundu mulahi weligondo lilahi.

Na mulindi wenyumba yavahambe ya vika avahambe vosi ava li mu inyumba yavahambe, mu mukono gwa Yosefa; na makuva gosi ga va kola yo, uyu ya li mukoli wago.

Na mwami wa Yosefa ya mu vugula, na a mu vika mbuhambe, ha avahambe vomwami va bohangwa: naye ya li hombuhambe. Navutswa Yahova ya li halala na Yosefa, na a mu vera tsimbabasi imbiri womulindi wenyumba yavahambe.

Kunangwa inyima wevindu yivi, mukali wa mwami wewe, yomika Yosefa; na a mu volera, U gone ninze. Navutswa ya sula, na a volera mukali wa mwami wewe, Henza, mwami wange si a manya kya mbeye nakyo mu inyumba, kandi ya vika vyosi vya a veye navyo mu mukono gwange: si ha veye nomunene mu inyumba yiyi kuvita inze; kandi si ya ngaya ku kindu kali kilala, navutswa ku ive, kigira ive u veye mukali wewe: kunangwa nyala ndi kukola ubudamano yibu bunene, nokwona ku Nyasaye?

Kunangwa inyinga yeyo, yingira mu inyumba kukola miyinzi gyigye, na si ha li na wundi ku vasatsa venyumba mu inyumba yimu. Mukali uyu ya mu gumira ingubo yeye, na a vola, U gone ninze: na ya mu lekera ingubo yeye mu mukono gwigwe, ni yiruka na a tsia kyova.