ខគម្ពីរពេញនិយមពី MARKUS 14

ចែក​រំលែក

Hang en emenara dou en, endagai: Akeinya, ban abubisamougb dau augwan. Dangga sug ban bouwan, kaba, ban bedug mog an gogom gini dau dan naugb dan demeg touwero. Doba areg danin douwan, kaba, ga, naro. Doba areg banin bouwan beic dou dani, kaba, dan douwan daimo gin dous.

Sug en esa mer debin Petrus dag ginohob, kaba, en esulou merug homoi gini ucan deit, endagai: Esloulougb naugb yen yesedeh yauweila dougwo areg ainyen yen. Dara yen yocuncum esesa debin gin terimda toua. Dauntoba yen yemobsara aud areg gainyen yen ginero. Anai se yen meigdoc mes, kaba, yen youwan yaimo areg geigouhw namcirohob. Doba se yen meijaga, kaba, cum, en ouwan aimo areg gainyen yen gin dedemeda terimda.

Dangga astesda sug lusud lesai Mer Geigouhw eisaugb dan dou lusud sungga sungga, kaba, len lecic dau gida gin men geicara dou dan dou len. Dauntoba len lecinaga dau gin toua terimda. Yen youman dau areg dan den dou yen gin deigeigouhw. Anai augwan gini asesa dag misen namcir.

Hanoba en enara dou men logodeh merug homoi graga, endagai: Dan indoc momogo medam, kaba, eic dag dani deinyor domom icira gin namcir. Dangga hang, yen yeigtou desij dan naugb yen yesedougwo dan sugin toua.

Sug len letaraba, kaba, Yesus os roti mogo hom icira en mesirahabi, en emen sijo dou Allah naugb gin toua. Sug en en sijo dou Allah dauwohob, kaba, en ekris naugb en emohw dou men logodeh laugwan toua. Hanoba en ens meijouhw debin gin dou len, endagai: Yen yet gin, anai roti gini dag danin indaga.

Sug len let roti dauwohob, kaba, en os mog an anggur mohu deit. Hanoba en en sijo dou Allah debin gin. Sug en en sijo dou Allah dauwohob, kaba, en ohw mog an mohu dou astesda len laugwan leg toua. Hanoba en ens meijouhw debin gin ucan dou len, endagai: Anggur mohu gini dag dan indugwihi gororo naugb yen yeinyana. Dauntoba yen yecinaga dag Allah men gos dou menau gin, kaba, emediyebeiya dau yenero, doba ebsugeb naugb yen terimda.

Doba sug len leisaugb aud mengarougb gini, kaba, Yesus esulou men logodeh deb, endagai: Cum bahau, kaba, yen yaugwan yemougb yemaisoboro dau dans. Anai Allah en og deb se Surad Injil Meb Mohon eisaugb gin debohob, endagai: Dan demogod meren gembala emomom dau men domba laugwan lemougb lemaisoboro toues.

Dangga yen yisa, mada. Anai yen yeiya sud hom gohw dan en agunya an len deinyorohob.

Doba Yesus enara bauni en mer ucugb, endagai: Ban bouman deigeigouhw. Se loba gini sug berougwu emeba mer mougwa hwaibuma, kaba, ban baideido dan mougwa homoi icirohob. Augwan gini asesa dag misen namcir.