ខគម្ពីរពេញនិយមពី ROMA 8

ចែក​រំលែក

Takam karasa himat Alatalla ngatur katuluh hal, hampe naan riranni sa maeh ma kawan ulun sa sinta hanye nelang sa naherauni manyu kala ransanani.

Daya aku parisaya tatuu himat hang litar dunia, hau pampatei, hau pamelum, hau malekat, hau panguasa, hau kawan ansaman itati, atawa kawan ansaman hang tawuk udi ati atawa kawan kakuaten lainni; hau kawan hal sa hang langit, hau kawan hal sa hang ambau tane atawa inun eleh sa lain, katuluhni puang kaiyuh nahan Alatalla sinta takam, kala sa haut natantarangni itetei Kristus Yesus Tuhan takam.

Kala yiru pada Roh Alatalla hawi ngarawah takam amun takam maleme. Daya takam puang karasa kalaawe pipatutni takam badoa; Roh yiru raerai nadap Alatalla umak laku ma takam anri penu kaharapen, hampe puang tara antuh.

Inun sa tau naeau takam itati neu katuluhni yiru? Amun Alatalla hang pihak takam, hie tau nawan takam?

Itati puang uweng lagi hukuman ma here sa welum mira baya anri Kristus Yesus.

Amun pikiran naun naparentah daya pidasaran murunsia balalu akibatni pampatei. Kude amun pikiran naun naparentah daya Roh Alatalla, akibatni hanyeyiru welum nelang pidamai anri Alatalla.

Puang! Likan hawuang katuluhni yiru takam kaiyuh kamanangen sa paruna daya hanye sa sinta takam!

Katuluh kahanangen sa naingkam daya takam itati, manyu pandapatku, budas puang iyuh natanding anri pihante mulia sa sagar nalalea ma takam.

Inun naan sa kaiyuh nahan Kristus sinta takam? Inun tau kasusahen nahanni, atawa kekekeen, atawa kahanangen, atawa juju lau, atawa paua, atawa bahaya, atawa pampatei?

Balalu Alatalla, sa karasa hawuang atei murunsia, kataru kabahumen Roh yiru; daya Roh yiru ilaku teka Alatalla ma ulun wat Alatalla, manyu kabahumen Alatalla.

Kawan ulun sa naayak daya Roh Alatalla, hanyeyiru kawan Anak Alatalla.

Kawan ulun sa welum manurut pidasaran murunsia, saratang mamikir inun sa nakabahumen daya pidasaran murunsia. Kude kawan ulun sa welum manurut Roh Alatalla, saratang mamikir inun sa nakabahumen daya Roh Alatalla.

Anakni raerai puang nasayangni, malengkan nasarahni ma kapantingan takam katuluh; himat angmaka hanye puang sagar ngami ma takam ala katuluh sa lainni?

Roh Alatalla mira baya anri roh takam neu ngalalea sa takam hanyeyiru kawan Anak Alatalla. Nah, amun takam kawan anakni, himat takam pada ahli warisni sa sagar narime kawan berkat sa nasadia Alatalla ma kawan anakni. Takam sagar narime sinrah anri Kristus inun sa haut nasadia Alatalla ma hanye; daya amun takam wuah kahanangen baya Kristus, takam sagar namulia pada baya hanye.

Ulun sa pikiranni naparentah daya pidasaran murunsia, ulun yiru bamusuh anri Alatalla; daya ulun yiru puang ngalut nuu ma hukum Alatalla nelang hanye samula puang tau ngalut nuu ma hukum Alatalla.

Litar dunia nganrei anri harap tatuu neu wayahni Alatalla ngalalea kawan anakni.

Takam karasa batantu hampe wayah yiti litar alam miumeh daya wuah kahanangen kala erang kaulun ineh wuah kahanangen hang tawuk hanye kayaan.