ខគម្ពីរពេញនិយមពី ROMA 2

ចែក​រំលែក

Kude naun, pulaksanai katuluh, ngulah pada kawan hal sa nawada naun hang kawan ulun lain! Inun naun minda naun kaiyuh lapas teka hukuman Alatalla? Atawa naun nganggap enteng lelo Alatalla anri pilapang atei nelang kasabarenni sa kala yiru hante? Himat naun karasa Alatalla nantarang pikaeh ateini daya hanye hamen nampan naun batobat teka kawan dosa naun.

Daya sabab yiru, pulaksanai katuluh, hie naun hampe naun hamen ngampi hala ulun lain? Naun budas puang uweng tujuan sunah butit pakai ngaluntenga! Daya amun naun ngampi hala ulun lain, padahal naun raerai nampalus ulahan sa sameh kala here, yiru naun nyanawu hukuman ma ambau diri naun pada.

Daya inun sanatampalus Alatalla ma murunsia yiru sameh.

Daya ulun ikaeh kamulek anri Alatalla, puang daya ulun yiru haut karasa hukum agama Yahudi, malengkan daya hanye nampalus inun sa naan hawuang hukum yiru.

Daya Alatalla sagar iwaleh ma tiap ulun manyu kala pagawianni.

Kude kawan ulun sa ekat ngunu tengani raerai nelang puang hamen ngalut nuu ma Alatalla malengkan umba sa jahat, kawan ulun yiru sagar jari kasangiten Alatalla.

Kude naun mape silu nelang puang hamen miubah. Daya sabab yiru naun raerai sa ngulah hukuman naun batambah weat hang Anrau Kiamat, amun Alatalla ngalalea kasangitenni palus nyanawu hukuman sa adil.