ខគម្ពីរពេញនិយមពី ROMA 14

ចែក​រំលែក

Daya amun Alatalla marentah pamelum ulun, inun sa iyuh nakuta atawa nauut, puang penting lagi. Sa penting hanyeyiru ulun yiru nampalus kabahumen Alatalla, kaingkam sanang atei nelang narime kaaraien sa naami daya Roh Alatalla. Ulun sa malayanni Kristus anri sara kala yiru, ulun yiru ngampi sanang atei Alatalla nelang nahargai daya kawan ulun lain.

Amun takam welum, takam welum ma Tuhan. Nelang amun takam matei, takam pada matei ma Tuhan. Jari welum atawa matei, takam samula milik Tuhan.

Daya yiru tujuan takam patut saratang neu nampalus kawan sanimbul karukunen nelang sameh-sameh mambangun.

Daya sabab yiru ada takam ipamada-pangampihala. Likan patut ngakali nampan naun puang ngulah hal sa tau nyantawang pulaksanai mira kaparisayaan tagoda palus badosa.

Hawuang Surat Barasis nasurat, “Kapinuuni,” eau Tuhan, “tiap ulun sagar ileku nyambah hang hadapanku; nelang tiap ulun sagar mangaku aku Alatalla.” Jari tiap takam maisasaan harus mananggung jawab katuluh pagawian takam ma Alatalla.

Ulun sa puang yakin neu inun sa naparisayani harus natarime anri maeh hang penah naun katuluh. Ada basual anri hanye neu kawan pandirianni.

Naun yena hie hampe naun harus mangadili walah ulun lain? Hau walah yiru tumbang atawa minri, yiru uras urusan tuanni. Nelang walah yiru samula sagar minri mawitu, daya Tuhan sanggup ngulah hanye minri mawitu.