ខគម្ពីរពេញនិយមពី LUKAS 6

ចែក​រំលែក

Ami ma ulun lain, nampan Alatalla pada ngami ma naun; naun sagar narime pangamian jubung sa haut natakar nagunsang pisit ma naun. Daya takaran sa napakai naun ma ulun lain sagar napakai daya Alatalla ma naun.”

Ulun sa maeh ngaluar kawan hal sa maeh daya ateini jubung anri pikaeh. Ulun sa jahat ngaluar kawan hal sa jahat daya ateini penu kajahaten. Karana inun sa naantuh daya wawa yiru sa limpar teka atei.”

Saharusni puang kala yiru! Kabalikni naun harus sinta musuh naun nelang ngulah sa maeh ma here. Naun harus piihau, nelang ada harap tau naampudi. Amun kala yiru, upa naun sagar hante nelang naun sagar jari anak Alatalla Sa Panga Ambau. Daya Alatalla maeh atei anri ulun sa puang karasa batarima kasih, nelang anri ulun sa jahat pada.

Wuah naun uweng ahi lelu kala Ambah naun pada paahi palelu!”

“Ada mahakimi ulun lain, nampan naun pada ada nahakimi daya Alatalla. Ada nukum ulun lain, nampan naun pada ada nahukum daya Alatalla. Ampun ulun lain, nampan Alatalla pada ngampun naun.

“Kude ma naun sa nyanrengei aku itati, aku ipesen kala yiti: sinta kawan musuh naun, nelang ulah sa maeh ma ulun sa marikang naun. Berkat ulun sa nyapa naun nelang badoa ma ulun sa jahat anri naun.

Ulah ma ulun lain kala inun sa sanabahum naun naulah daya here ma naun.

Amun ulun nampar pahunu saisa, elahni hanye nampar pahunu sa tuhi pada. Amun jubahnu narampas, ami pada bajunu. Amun ulun laku ala inun-inun teka hanyu, ami yiru ma hanye; nelang amun miliknu narampas, ada laku naampudi.

“Kakau sa nenak puang mua wua sa buruk. Kala yiru pada kakau sa puang nenak puang mua wua sa maeh.

Tatiap kakau taru teka wuani. Jumpun sa barunrui puang sagar mua wua ara, nelang jubut sa barunrui puang sagar mua wua anggur.