ខគម្ពីរពេញនិយមពី Matius 16

ចែក​រំលែក

Uko tiꞌo, hi Yesu mololita pe topeguruNahi, Notiꞌi “Himo to dokoꞌ metuntu pe Aku, hangangaa mampohinte peleihana hadoduona hei timomomo woꞌo mampolala komaporiꞌ hei metuntu nturusi i Aku.

Ingkomo Peturuꞌ, mopalaiha ‘watu.’ Hei i womboꞌ watu hieꞌe hingkiꞌ Kuꞌaro jumaꞌangKa. Hei kuasaꞌ komahia hawaꞌi hingkiꞌ monanihi.

Hingkiꞌ Kupaꞌaniko kuasaꞌ moꞌatoroꞌ toaꞌna Pueꞌ Ala: Pueꞌ Ala hingkiꞌ mampoꞌioꞌ hapo to ipeꞌopiki hei ipetotuꞌu i duniaꞌ.”

Hihimo to mampohinte peleihana hadoduona nokomi petuntuna pe Aku, kehapoꞌi nirokoꞌ, io to hingkiꞌ pahua kotuwuꞌ to wolaꞌ to hawaꞌi mokoꞌukoa. Angkana himo to mampetuntui peleihana hadoduona, hawaꞌi hingkiꞌ pahua kotuwuꞌ to wolaꞌ to hawaꞌi mokoꞌukoa.

Hawaꞌi uwaꞌ dumbuꞌne morampuki lekiꞌ-lekiꞌna luma i duniaꞌ hieꞌe, ane hawaꞌki pahua kotuwuꞌ to wolaꞌ to hawaꞌi mokoꞌukoa. Alaꞌ hawaꞌi uwaꞌ hapo-hapo to wadi topopotopu kotuwuꞌ to wolaꞌ tiꞌo.

Notenei womohi, Notiꞌi, “Ane pahuamiꞌi, Aku himoꞌA?” Nohoniꞌ hi Simo Peturuꞌ, “Ingkomo Datu Topohompoꞌ, AnaꞌNa Pueꞌ Ala to tuwuꞌ.”

Notiꞌi womo hi Yesu, “Simo anaꞌna hi Yunus, motanaꞌko mpololeke, alaꞌ handoꞌio toaꞌ to mamponobahaꞌiko tiꞌo, angkana UmoꞌKu to uwaꞌ i suruga.