ខគម្ពីរពេញនិយមពី JOHANNES 12

ចែក​រំលែក

Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangoloi Au sanga di dia pe Au. Jana pasangapon ni Damang muse ma sanga ise na mangoloi Au.”

Sanga ise na mangkaholongi ngoluna na di tano on, agoan ngolu na so mantak ma halahi. Tapi sanga ise na so mampardulihon ngoluna na di tano on, na mangarade tu hangoluan na so mantak ma halahi.

Tutu do na Hudok on tu hamu: Muda so nisuan tu tano jana mate same i, laing tinggal sangkibung i sajo do i. Tapi muda mate same i, baru pe anso bahat eme diparbatuhon.

Songon sinondang do Au di na ro tu portibi on, anso sude halak na porsaya tu Au ulang be tinggal di na golap.

Sanga ise na manangihon pangajaranKu tapi nada diihutkon Ia nada Au na manguhumisa. Angke nada na giot manguhumi portibi on umbaen na ro Au, tapi na giot paluahon do.

Dung i ro ma si Maria maroban hira-hira satonga liter narwastu, i ma miak na lobi huskus jana na arga situtu. Diusehon ia ma miak i tu pat ni Jesus jana diapus ia ma dohot obuknia. Gabe huskus ma sude bagas i hara ni uap ni miak na huskus i.

Dung i diparrampingkon halahi ma mare-mare, kehe ma halahi mangalo-alo Jesus. Marsurahi ma halahi, “Hosana! Dipasupasu ma Ia na ro di bagasan goar ni Tuhan, Raja ni Israel!”

Dung i didok Jesus ma tu halahi, “Madung dapot hatihana pasangapon Anak Ni Jolma i.