ខគម្ពីរពេញនិយមពី Romanos 15

ចែក​រំលែក

Chömöledö, Diosma ökwödönö pjabato̧, Aaa, isabenö Dios jö̧a̧linadanö otiwanö ja̧akwo̧, jö̧ba̧lö domukwatobö. Jo̧banö ateba, kwo̧'wo̧ luwo̧duwi ösöwachibanö kwö̧jaduwobö, wene jwiinö kwö̧jaduwobö. Ja̧danö, jo̧banö kwösödaduwobetjö̧, jejenö kwö̧jaduwobö pjaatakwo̧ ökwödönöma chömöledö. Ja̧danö Dios O̧'wo̧ Luwo̧ ökwödönö pjaatobetjö̧, tupakwö kwo̧'wo̧ kwöwana̧laduwakwedöja, isabenö Dios jö̧a̧linadanö ja̧akwo̧ jö̧ba̧lö.

Jau chömöledö, Dios iwene damötjö tjiwȩyudina jawama, ökwödö döwaisachibobö tjiwȩyudinobe. Ja̧danö, tjiwȩyudina döwaisachenama, dujuluwachibanö döwaisachibena, ja̧danö juluwanö me'dawachibökönö, Diosnö do̧'wo̧ wana̧lö dö̧jena, Isabenö Dios jö̧a̧li̧danö baledakobe, jö̧ba̧lö.

Chömöledö, Diosda ökwödönö dujuluwachibanö dö̧jobö pjabato̧ma, Diosda me'dawachibökönö dö̧jobö pjabato̧ma chömöledö. Ja̧danö, jo̧banö ateba ökwödönö chömöledö, ökwödö bakwainö kwomukwataduwobö pjaato jö̧ba̧lö, Cristo Jesús omukwati̧danö kwomukwataduwobö pjaato jö̧ba̧lö. Ja̧danö, okobe deinö bakwainö omukwatö, Diosnö kwösödaduwo, Duluwo̧ Jesucristo uluwo̧ Diosnö, Jesús Abe'do Diosnö kwösödaduwo chömöledö. Jau chömöledö, okobe deinö bakobe kwösodaduwonö, ökwöma otiwo̧ja jö̧ba̧lö.

Jo̧kwajabetjö̧ baikwö yötawaduwakwö chömöledö: Kwömöledöduwi Cristonö ösödadönö kwöpöjödaduwoko chömöledö, Ökwödökwö babiböködö, jö̧ba̧lö. Cristoma ökwödönö öpöjödinokobe jo̧bakwö bakibaduwobö, ¿jö̧tö? Ja̧danö, Cristo ökwödönö ösödinadanö kwömöledönö kwösödaduwo. Jejenö ja̧köbaduwo chömöledö, ju'wedö Diosnö tjösödakobetjö̧, Otiwo̧ jö̧ba̧lö.

dö̧ja̧wo̧dönö pjadatobö domukwato, tjo̧'wo̧ luwo̧nö tjujuluwachibanö pjadatobö.