ខគម្ពីរពេញនិយមពី Romanos 10

ចែក​រំលែក

Ja̧ wenema biya̧ chömöledö: La'aka luwo̧ma Jesúsda yöba̧lö, kwomajadenö isabenö Diosma Jesúsnö tjeachajinö ja̧inobe, jö̧ba̧lö kwomukwatitjö̧ma kwö̧jibakwo̧ja, jö̧ba̧lö laebobe.

Jau chömöledö, Jesúsnö ösödö, dö̧jibinö pjabato̧, jö̧ba̧lö dösödiökwe, Diosma ökwödönö yöbawo̧, Bidöma sulabe jwibadö, jö̧ba̧lö. Ja̧danö, Jesúsda la'aka luwo̧ yöba̧lö, dö̧jibobe.

Jau chömöledö, otiwa jawa wene ösödadöma, otiwa jawa wene tja̧ja̧kwobetjö̧, ösödadö. Ja̧danö, otiwa jawa Cristo jawa wene yöbawadö yötjawobetjö̧, a̧ja̧kwö ösödadö jobadöma. Jo̧kwaijayonö, otiwa jawa wene a̧ja̧kwajadötjöma, ba̧jekwadö tjöpöjödobe chömöledö. Dios iwene wȩyudina Isaíasma baikwö iwȩyudinobe: Chuluwo̧ Dios, bidönö yödawijayonö, tjöpöjödobe yödawi̧ma, jö̧ba̧lö iwȩyudinobe Isaíasma.

Jau chömöledö, Dios iwene baikwö laebobe Jesúsnö ösödadönöma: Bakwo̧ jo̧banö ösöditjö̧ma, waekwökena, isabenö ö̧jibakwo̧, jö̧ba̧lö laebobe. Jau chömöledö, bakweminö jo̧be, judío jojodönöbi, judío jojodöböködönöbi, okobe deinö jo̧banö ösödadöma tjö̧jibakwedö chömöledö. Jau chömöledö, judío jojodöbi, judío jojodöböködöbi tjuluwo̧ Diosma bakwo̧da. Ja̧danö okobe deinö jo̧banö abebadönöma otiwanö pjabato̧ Diosma. Baikwö laebobe Dios iwenema: Okobe deinö Diosnö pjaatobö abebadöma, tjö̧jibakwedö, jö̧ba̧lö laebobe. Ja̧danö jejenö laebobetjö̧, bakwaiobe judío jojodönöbi, judío jojodöböködönöbi, okobe deinö Jesúsnö ösödö tjö̧jibobö jo̧be.

Ja̧danö, ¿dakwö yöawobö yöbawo̧ma, jo̧banö, Yöbawaji, jö̧ba̧lö wetjokobema? Waekwena, ¿jö̧tö? Dios iwene baikwö laebobe Dios iwene yöbawadönöma: Otiwa jawa wene yötjawakwedö tjichi̧ma jwiinö otiwobe, jö̧ba̧lö laebobe.

Chömöledö, ¿dakwö atjebobö jojodö, Diosnöma, jo̧banö tjösödokobema? Ja̧danö, ¿dakwö Diosnö tjösödobö chömöledö, ina jo̧banö wajwitjobema, ina jo̧banö tja̧ja̧kwokobema? Ja̧danö, ¿dakwö tja̧ja̧kwobö chömöledö, Diosnö yöbawo̧ deobema?

Jau chömöledö, Cristoda okobe jwiinö Dios Moisésnö weina ja̧bina, ¿jö̧tö? Jo̧kwaijayonö, Cristoda okobe jwiinö ja̧inajayonö, Cristonö ösödadönöbi jö̧ba̧lo̧ Diosma, Bidöma sulabe jwibadö, jö̧ba̧lö. Ja̧danö, Cristoma Moisés iwȩyudinama söbebö loinobedanö ichejekwa chömöledö, Dios Moisésnö weina ja̧bökönö sulabe jwibadö badibobetjö̧.