ខគម្ពីរពេញនិយមពី Mateo 28

ចែក​រំលែក

jo̧kwajabetjö̧ baikwö wetaduwakwö: Böjȩ bakwameachibanö tjitebokwena jojodönö yöbawö, ösödadönö chöba̧ja̧di̧ waisachadö batjibanö yöbawaduwi. Ja̧danö, Chabe'do Diosbi, ötjö Dios Itji̧bi, Dios O̧'wo̧ Luwo̧bi ökwödönö wedobetjö̧, diminö jobadönö ojwenö bu̧dataduwi. Ja̧danö, jobadö 'yabayedö chöba̧ja̧di̧ waisachadönö ba̧ja̧daduwi, okobe jwiinö ökwödönö wetinama, jobadöbi ja̧bö tjö̧jakobetjö̧. Ja̧danö chömöledö, isabenö ökwödökwö chö̧jakwo̧sa, böjȩ 'dö̧ibenanö kabatö— jö̧ba̧lö weinobe Jesúsma.

Ikenama Jesúsma jobadö tjö̧jobekwö ichö yöawinobe: —Mölejȩtjöbi, böjȩtjöbi okobe deinö la'aka tjuluwo̧ batibanö ja̧ajabe Diosma

Jo̧ba ángelma ya̧dö ichajadönö yöawinobe: —Yebabökönaduwi. Chöwaisa, towisa'onö bȩtjinökwe Jesúsnö edö kwichaduwajabe, jo̧kwaijayonö dea baima. Ökwödönö yöawinadanö wobajaletjö tjeachajajabe ida̧ökö. Ichö edaduwi, ajayinö i̧lȩdo̧nö ö̧binemima— jö̧ba̧lö.

Ikenama Jesúsma jobadönö yöawinobe: —Yekabiduwa chömöledö. Chö̧ja̧wo̧dönö yöbawaduwi, Galilea nijibe tji̧'yobö, ja̧danö jobetjö ötjönö tjedakwedö, jö̧ba̧lö yökawaduwodönö— jö̧ba̧lö yöawinobe Jesúsma.

Jo̧kwajabetjö̧ ö'weje pjabatadö la'aka tjuluwedöbi, jojodötjö damöbi ko̧ko̧kwö omukwatö tjujuninobe ja̧tjakwa̧ma. Omukwatö junajadö, nöinö balada midö wetjinobe guardia jojodönö, baikwö: —Ökwödönö dimidakobe. Baikwö jo̧da baledaja̧ omöna yökawaduwo jojodönö: Yö̧te dabonö, Jesús öba̧ja̧di̧ waisachadöma ichö jo̧ba iteba'o tjönaukwinobe, jö̧ba̧lö. Ja̧danö, ja̧ omöna yöka̧laduwi̧ gobernador a̧ja̧kwitjö̧ma, ja̧danö a̧ja̧kwö: Tjite'ada̧lobö wetijayonö sulabenö abekwinadö jö̧ba̧lö ökwödönö ölabitjö̧ma, ökwödönö pjabatö jo̧banö yöda̧lakobe, ökwödönö lȩebapji jö̧ba̧lö— wetjinobe. Jejenö wetjiawö̧, guardia jojodöma balada emibö jojodönö omöna yötja̧linobe: Dabonö Jesús iteba'o tjönaukwinobe jö̧ba̧lö. Ja̧danö jejenö omöna yötja̧linobetjö̧, judío jojodötjö ina ba̧jekwadö jejenö yöba̧ladö.