ខគម្ពីរពេញនិយមពី Utu 45

ចែក​រំលែក

Nambu hinu mkoto kuviniswa mitima amala kuyomelana mwavene kwa kunigulisa kwenuku. Chapanga anitumili nivalongolela nyenye muni nisangula wumi wa vandu.

Ndava yeniyo, lepi nyenye mwemniletili kwenuku, nambu ndi Chapanga. Ndi mweanikitili kuvya ngati dadi wa Falao, myimilila wa nyumba yaki yoha na mtalalila wa mulima woha wa Misili.”

Chapanga anitumili penapa nivalongolela, muni nivavikila chakulya na kukita viveleku vinu viyendelela kuvya mumi.

Yosefu akavajovela valongo vaki, “Chondi, mhegelela papipi na nene.” Pevamhegalili, akavajovela, “Nene ndi mlongo winu Yosefu, yula mwemwamugulisi ku Misili.

Wenuwu ndi mwaka wa pili ndu wa njala pamulima, na yakona miyaka mhanu yeyigelekela vandu yati vilima lepi amala kubena.

Yosefu akavajovela valongo vaki, “Nene ndi Yosefu. Wu, dadi wangu akona mumi?” Nambu valongo vaki pavayuwini chenicho, vakenyemwiki na kuyogopa neju vahotwili lepi kumyangula.