ខគម្ពីរពេញនិយមពី मरकुस 13

ចែក​រំលែក

अने तमु मारा नाम पोर भरहो कर र्‌या करीन आखा माणहु तमारी सी बुराय करहे। पण जे कोय आखरी लग मार पोर भरहो करहे, तीनेत छुटकारो जड़हे।

चेतीन रीन वीन्‌ती करता रेवो। काहाके तमने नी मालम के तीहयी टेम कत्‌यार आवहे।

जत्‌यार तीहया तमने बंदी बणावीन पंचु अगळ ली जाय, ता पेले गेथात आहयी फीकर नी करजो, के आमु ह़ु केहु, पण जे कंय तमने तीहयी टेम मे भगवान देखाड़हे, तीहयुत केजो; काहाके बोलवा वाळा तमु नी, पण चोखली आत्‌मा से।

ह़रग अने धरती टळ जहे पण मारी वात कदी नी टळे।”

ईसु अगो केतो ज्‌यो, “मारो आव्‌वा नो दाड़ो अने टेम ना बारा मे कोयने मालम नी हय, ह़रगे वाळा ह़रगदुत ने अने मने बी मालम नी हय, आहयो दाड़ो अने टेम भगवान बाह एतरोत जाणे।

जत्‌यार तमु लड़ाय अने झगड़ा नु हुकवाड़ो ह़मळो, ता घबरायजो नी, काहाके ईसम ते हयहेन-हयहे। पण आहयुत कळ नी छेव नी हय।

एतरे तमु बी जागली करता जाय्‌न चेतीन रेवो, काहाके तमु नी जाणो के घोर नो मालीक कत्‌यार आवहे, ह़ांतो के आदी राते, के कुकड़ा वाहरे के ह़वारे। ईसम नी हयवा जोवे के तीहयो उचकाहलोत आय लागे अने तमु ह़ुवत्‌ला तीने देखाव पड़े। अने जे मे तमने केम तीहयुत आखा ने केम, के चेतीन रीन जागला रेवो।”

काहाके एक जाती ना माणहु बीजी जाती पोर। एक राज्‌य ना माणहु बीजा राज्‌य ना माणहु ह़ाते झुमायहे। जां तां काळ पड़हे। अने जां तां धरती फाट जहे। आहयी ते, आव्‌वा वाळी गरा सुरु हयवा नी सेलाणी से।

अने कळ खत्‌तम हयवान पेले खुस-खबर नी वात आखी जाती मे परच्‌यार करवा जोवे।

घणा ढेरका मारा नामे आवीन केहे, के “मे मसी से” अने घणा ढेरका भंगलाड़ देहे।

पण तमु आह़फा ना बारा मे चेतीन रेवो; काहाके वेरी माणहु तमने धरहे अने मोट्‌ली पंचु ना अगळ लीजहे; अने तीमना भक्‌ती ना घोर मे तमने ली जाय्‌न ठोकहे; अने मारा नाम सी राजा अने नीयाव करन्‌या अगळ उबा करहे, तीहयी टेमे तमने तीमनी अगळ मारी खुस-खबर ह़मळावा नो मोखो जड़हे।

तीहया दाड़ा मे झुटा मसी, अने झुटा भगवान वगे गेथी वात केण्‌या माणहु जां तां आवहे, अने जुदा-कामु सेलाणी ना रुप मे देखाड़हे; हय सके ता भगवान ना टाळला ने बी धोको दीन भंगलाड़वा नी कोसीत करहे। तीहयी टेमे कानो केहे; देखो मसी आञे से, नीता “देखो ह़ेले से” ता तीमनी पोर भरहो नी करजो।

तीहया दाड़ा मे, आहयु दुख ना बाद दाहड़ु अंदारु डुब हय जहे, अने चांद वीजाळु नी आपे। ह़रग मे गेथा तारा हेटा पड़वा बाज जहे, अने ह़रग नी आखी सक्‌ती हील पड़हे।