ខគម្ពីរពេញនិយមពី Mbete Rɔmri 8

ចែក​រំលែក

Nah tu ɓahri, ɓa ra fe fe gaŋ kara Ŋgerzah hi̧ fe-uri ti̧h ɓa suki hi̧ nzukri ké sa ni, a woyri ké-e ɗi niri kandɔk ké-e lek

Mi tu-tu ɓahri se, hul mini káɓ tukala, tem nzak pihnari, záhri mini nzukri ké lak mbay gelri ɓoɗ ɓoɗ, fe a aŋay mini fe a gi-u, ŋgerna fe a fál síɓa mini a fál siɓa, a fe fe gbam ké nunmbam ke tusiɓa mah kehr na ke law sana Ŋgerzah ké na ta̧w Mbay Zezu Gaŋ wah ra ya.

Kaŋ pi mí Tempuki kara ƴo so na ké ɓil ŋgerna ké nah ta keni ya, ke so na ɓay fe ké mah goŋ Ŋgerzah, mí nah tu goŋ Ŋgerzah ya. Le a ye mí ke ƴo vuh vuhna ké mba ɓahna ké pol Ŋgerzah ke riŋ wah.

Kandɔkaw ba, ɓay fe mí nah ɓah-u ɓáy le ? Ŋgerzah pɔr tul wah da ba, a ge mí mah laɓ ɓay kan tul wah ɓáy lo ?

Mí keni-aw kara nzukri ké ƴo ziŋ Mbay Zezu le, salɓay hul nzom ké tul woyri

Kerɓay nzuk pirmatul a sa̧w som siɓa si ziŋ ni ma hul, kerɓay nzuk pirmatul a sa̧w Tem ba, ɓa ɔkna ke ɗeŋ.

Mí keni-aw kara nah haw ŋgermu ziŋ ni ha-haw a ye ké-e sa na.

Mi ɓahri se, koseh a sew a aŋay ké ziŋ na mah mgba tuh ke baw riŋ ɗina ké ɓay ten mun ké mun wah ra ya.

A fe mí ɓay kehr na ke law sana Ŋgermbay le wo ? Koseh ? Fe-se law ? Nzukbaa ? Ɗaka ? Sí seh fe ? Fe-lu law ? Mini fe-i hul le ?

Mí Ŋgerzah a ye ké-e ko law nzukri ko, ke tu kerɓay Tempuki tu ɓay fe le, Tempuki ƴo pol ye kpatara ke riŋ sa̧w nzuk yeri.

Nzuk ké hi̧ Tem Ŋgerzah nda pol ye ra, ke ɓa gun Ŋgerzah gaŋ.

ɓayu ké nzuk pirmatul ɓa sa̧w som siɓa ra, law ye na sa tul fe tusiɓa. Mí nzuk pirmatul ɓa sa̧w a foyu ké ɓa Tempuki ba, law ye na sa tul fe Tempuki.

A ye ké-e gboh salɓay hul ké tul gun ye ya, mí ke poŋ ni hu ɓay tul wah gbam hi̧ na nah ɓa gun yeri ra, ani wara mí ke ta ndar feri gbam hi̧ na ziŋ ni ya le wo ?

Temaw mí mbu̧h nzak ziŋ tem wah mbɔk ɓahri, nah ɓa gun Ŋgerzah. Kandɔk ké nah ɓa gun ye ra nah ɓa gun-fa̧h fe ye pi. Nah fa̧h fe Ŋgerzah le, fe Ŋgermbay ba, nah ya̧ ziŋ ni pi. Koseh ye ƴo zíŋ na kara ɓay hi̧ riŋ ɗina ye ɓá mgbe tul wah pi.

Ɓay fe le kerɓay nzuk pirmatul a sa̧w som siɓa ɓa nzukbaa Ŋgerzah. Ke hȩk bolkusol Ŋgerzah ya. Ŋgerna hȩku kara ta-a pi.

Tusiɓa ke nunmbam ke feri ké ɓilu kara ƴo taw tén mun gun Ŋgerzahri ke ik law kandɔk nzuk ké sol tul bɔk ye sokoh

Nah tu wuri ɓahri se, tusiɓa ke nunmbam ke feri ké ƴo ɓilu gbam ƴo vuh sena, ƴo koseh kandɔk wu̧y ké kaɓ peŋe kaŋ ka̧h aŋay.