ខគម្ពីរពេញនិយមពី Mbete Rɔmri 1

ចែក​រំលែក

Su̧hru ɓaysuki ra se mi ya. Ɓaysuki-u mí ɓa huhrumun Ŋgerzah ké hi̧ nzukri gbam ké kan law tulu el ma ta̧w ye ɓa záh woyri, gun Izarayelri a woyri ziɓri pol dara mí sa̧wnzuk a ɓoruri kara pi.

Ɓayu ké Ŋgerzah ƴo tul ɓay ye ké-e ŋga̧h ɓa záh woyri, ketina ye ten mun ké ɓil ɓaysuki-aw. Sa̧w ŋga̧hna-u ti ké ta̧w Ŋgerzah si ka̧h ta̧w nzukri hi̧ ku ƴo ziŋ ni kandɔk kú-u vbeh lewsa̧ ɓahri, nzuk ké ƴo tul sal in ké Ŋgerzah ŋga̧h ziŋ ni ɓa záh ye le, sa̧w ɔkna nzuku ɓa law mbew ké ɗɔr sal in ya .

Ur ke sew-laɓ nunmbam ke tusiɓa kaŋ mí nzuk pirmatulri ko ni ke nun ya kara, ku ƴo ko ŋgerna ye ké na ɓa ŋgɔh ɓay feri ké-e laɓ, ku ƴo ko riŋ ɗina záh ye ɓa teh-u ɓay fe-uri pi, mí ku mah tu ni keni, sɔk ɓahri, mahful ya̧m mun woyri ta-a.

Ku tu Ŋgerzah tu, mí dimna le, ku sa dim ni ɓa záh woyri ya. Ku sa el ke tumbɔl hi̧ ni ya pi. Bale kerɓay woyri na kpo̧k hi̧ ku ti̧h suk ya. Law woyri sih nduŋ ke kɔk ɓay.

Ku el kom ketina Ŋgerzah ke kuŋɓay. Ku hȩk feri ké-e laɓ, ku el dim fe-uri poŋ ni ye Nzuk-laɓ fe-uri-aw ké-e mah pirna sew ke sew gelu munu.

Haŋ fa̧hna Ŋgerzah ten mun ké nunmbam gi ka̧h tusiɓa da, mí na tul fe laɓna nzuk pirmatulri kú-u poŋ ni ɓa záh woyri. Hȩ́k ni ta-a. Ku poŋ ni, ku el gɔɓrɔ ketina ɓil kuŋɓay woyri.

Sa̧wu mí Ŋgerzah poŋ nzuk pirmatulri rih ɓil fe laɓna su̧hru woyri kandɔk ké law woyri tasa̧yu. Wu̧yri poŋ sa̧w fe laɓna woyri, ku kom ná ke wo̧rori el na ke haniri wara. Wo̧rori ba, poŋ sa̧w fe laɓna woyri. Ku kom ná ke wu̧yri el na ke haniri. Ɗaka ná ke wo̧ronzuk mbaŋ woyri mí se niri. Wo̧ronzuk ke wo̧ronzuk ƴo laɓ fe-se su̧hru, mí ku ƴo ziŋ kpaŋndɔk fe laɓna-reh ful woyri keni. Kandɔk ké nzuk pirmatulri sa tu ni ɓa Ŋgerzah ya ra, ke poŋ niri ku dih fal kɔk kerɓay woyri, mí ku ƴo laɓ fe ké mah laɓna ya.

Ku ɗi mun woyri ɓa nzuk ru̧nari, mí ku ti̧h ɓa kɔkɔri dara mí ku mboh fe tem záhri ké ba hani ke nzukri ké ɓay pu-puŋ, nayri, gundoyri, fe kuhru ke selhaŋri soh keni gel dimna Ŋgerzah a ye Ŋgɔhnzuk.