ខគម្ពីរពេញនិយមពី Mbete Marki 16

ចែក​រំលែក

Mí ke ɓah hi̧ niri ɓahri : « Í si wuri ké tusiɓa gbam. Sina woiri, í ka-kah ɓaysuki hul bi hi̧ nzukri riw ɓá lah.

Nzuk ké law ye ƴo mbew ziŋ mi le, fe saŋri ké-e ɓay laɓu mí na-ay : Ke riŋ ɗina bi, ke ɓay ni̧h záhri. Ke ɓay ɓah nzak ɓay a ɓoru ké-e tu pol ya. Ke ɓay mgba soy vbeɓ ke ndɔk ye. Ke ɓay nzo sa̧wkpuh hul kara ɓay ta i ni ya. Ke ɓay ɓaŋ ndɔk ye kan tul nzuk senari mí ku ɓay ziŋ mun gahna pi. »

Nzuk ké kan law ye tulu, mí ke el ti̧h ɓil batem le, mi yá̧ ni ke ndɔk hul. Nzuk ké kan law ye tul bi ya le, salɓay hul ɓay ƴo tul ye.

A woyri ba, ku ti̧h si ka-kah ɓaysuki hul Gaŋ tul feri riw a ye Ŋgermbay Zezu ké gelri gbam ké tusiɓa hi̧ nzukri lah. Gaŋ tul feri riw ƴo ziŋ niri mí ke ŋger niri hi̧ ketina ye kú-u ɓah laɓ pihna. Ke hi̧ ku laɓ fe saŋri sɔk keni munɓayu.

Bale seke ra ɓah hi̧ niri ɓahri : « Law woiri ɓá lu ya. I ƴo ƴah hul Zezu, nzuk Nasareɗ kú-u ɓar ni ké tul kpuh vbatay. Ke ti̧h ke puh záh ke pa̧ymun a foyu. Hul ye ta gelay ya. Í gi wuri ko gel-mbek hul ra ké na-ay.

Ku toŋ ɗih ya ke tupal, ku ɔr nun woyri mí ku ko kasaw ké mbih nzak hoh kasaw ra na fál mbew poŋ nzaku na ŋgah. Mí ku ka̧h ri. Ku rih si ɓil hoh kasaw-mbek hul le, ku ko seke mí kaɓ gel kan hul ra ké fál ndɔk lakna. Gar ye pu kpa̧h kpa̧h. Mí law wu̧yri ra lu niri gba̧y gba̧y.