ខគម្ពីរពេញនិយមពី Gun mbete 1 Za̧h 2

ចែក​រំលែក

Í hi̧ law woiri ɓá tasa̧y tukala ya. Fe tukalari kara law woiri ɓá te tulu ya pi. Gelke law nzuk yih ɓay tukala le, law sana baah ta ke nzuku ya. Ɓay fe le fe tukalari mbew mbew gbam kandɔk ɗaka haymun, nun a pu tul feri, ndagiri tul fe tukala, gbamaw ur ké ta̧w baah ya. Wara le sa̧wu ɓa tukala.

Kandɔkaw mí tukala ƴo kalna ke ɗaka fe-uri pi, mí nzuk a a̧y ké ƴo hi̧ tul ye ɓay laɓ fe ké Ŋgerzah yih dale, nzuku ka-kaɓna a sew ke sew.

Nzuk ké ƴo ɓahri, ke ƴo mbew ziŋ ni le, ké mbi siŋ sina ké a ye ke si.

Gun biri ɓil Ŋgermbay, ɓayri-aw mí-i vbeh hi̧ wuri ɓay rɔkɔ í laɓ suya. Nzuk mbew ké sakra woiri laɓ ra suya le, nzuk-yih tul wah ƴo ta̧w baah. Nzuku ɓa Ŋgermbay Zezu ké ŋga̧h sal in hi̧ Ŋgerzah ɓa záh wah.

Nzuk ké ƴo ɓahri, ke tu ni, mí bolkusol yeri ra, ke ƴo tulu ya le, nzuku ɓa nzuk nzak rɔkna. Ketina ta ta̧w ye ya.

Kandɔkaw mí nah tu ɓahri se, gelke nah ƴo tul bolkusol yeri ra le, nah tu ni tu.

Nzuk ké ƴo ɓahri, ke ƴo ɓil gel tehna, mí ke fu̧y nzuk mbaŋ ye le, nzuku ƴo ɓil tirima ka̧h aŋay ɓáy.

A ge mí ɓa nzuk-kuŋ ɓay le ? Nzuk-kuŋ ɓay ma̧y ɓay tul Zezu ɓahri, ta ɓa a ye Ŋgermbay ra ya. Nzuku ra ɓa nzukbaa Ŋgermbay. Nzuku ma̧y ɓay tul baah ke tul gun ye seɗe mbɔk.

Nzuk a suŋ suŋ gbam ké ma̧y ɓay tul gun ye le, baah ta ɓa bah nzuku ya pi. Nzuk ɓah ketina ɓay gun ye dale, baah ɓa bah nzuku pi.