ខគម្ពីរពេញនិយមពី Ephesiami 4

ចែក​រំលែក

Lakhi no lakhi lau küpüqhiyi eno kimiyeqhiyi lo, Alhou no Khristo vechewo nongu kipimí qhivetsü ketoi, nongu lakhi no lakhi kipimí qhitsüa lo.

Alhokuthu aqhokighe eno akümtsha shilo; kheakulu shilo eno kikimiye lono lakhi no lakhi lau küsüqhikulu shilo.

Nongu kichí lo shiküpüsa tsa kiumu ipeghi pe kevilo, ikemu kütami no avehupu shi akeu kiqi lono kiu no panongu shiqhepukulu nani keno tilikhi pilo. Tishilu keu vechewo khunoqo nongu kükütsü ini ani keno tipaqo pelo alá shilu peniye ke.

Kuqhumo keu, aloghukighide eno amlokighide, muqhumüza keu, pipütha keu eno axeküsü jeliqo pevelo.

“Amloide namu axiné shi kevilo”: Atsala kupuju amloide auve kevilo. Eno adokivi pesü tüghami tsü kevilo.

Ikemu nonguw khaghi küxü ghola vehu lo nongu vilo nongu lhoaye aqau khikhi ti pishikiqhi kükümsü no shikuchubevea keno tipau ikhiqhivelo ipi shika ke; tiye nongu kükümsü lo kümsü chekeu akithé shive tsü; eno nongu lhoaye akithé pepuluve moayesa, tiye Alhou toi kuchou amikucho eno akimthe shipe niye lhosü keu ke.

Külakishi lono tsüghaküqha keu vechewo küqhakulu Ghungu qhilu nike ghenguno thowkha lo pükapütsalo.

Ike Khristo no aghò pesü apostolmi, tungkupumi, tsavipemi, akhemi eno shikükamiqo tsüke, tiye hukuthu kümlapù ghenguno paw timiqo kutokughoi pe qhi niye ke, tishianguno Khristo phimpi shiqhepukulu peniye ke, tiye ningu kümtsü aküpülü eno Alhou nu ithive keu lono küqhaluve püzü tekhoi shiluve no Khristo ye khuu keno pa ghili kuchopu ithikupu lumo ke kutólo mülà ape niye ke.

Tisheno ningu ye itimi shiauvemo nani. Ningu ye azü no tukucho akeshi eno shiküka zümlhü jeli kümtsü vechewo timiqo no panonguw tuqhou pishikiqhi kukughu eno müqüijo keu vechewo hula-hila fupuwuvemo nani. Tishini ke züqhulo, kikimiye lono kuchou tsa pikeu lono ningu ye alaghi jeli lono Khristo khuu no akütsü keno pa phimpi lo tekhoilu ghi thuwulu nani.