ខគម្ពីរពេញនិយមពី 2 Kor. 1

ចែក​រំលែក

Alhou eno ningu Mpeu Jisü Khristo Papù Alhou, kimiyeqhiyi keu apù eno alokughuno kümtsü tsü chekeu Lhou sheqhe ani. Alhou ye ningu küküpüna kümtsü lo ningu lokughuno tsü acheni, tishi keu vechewo pa lau no alokughuno ithulu keu pesü ningu pelo shiluküsa jeli sholu pesü akemiqo lokughuno tsüpe niye ke.

Ningu no Khristo ghime gholo kupukuno shi küsaje keu hutoi, ningu lokughuno ghi Khristo vechewo kupukuno shi acheni.

Kuchou no ningu ye ningu pìthíve nani küghashi kümsüveke. Ikemu hipau shikeu ye ningu pelo nilikhi ni shou pükhümo no kithimi xüputhu chekeu Lhou shou pükhü peniye ke.

Alhou no ningu pelo nongu gholo Khristo lono ithamo no puthugholu pe ani. Pa no ningu nukishe ke, eno paw ke ipikeu michipu ningu shou amichi shivae, eno ighi niye akeu hu ye ithulu nani pütsá ipikeu michi shi pa Ghungu pesü ningu mlo lo sǘvetsüae.

Ningu no amloküsa shive aghí aye, tiye nongu lokughuno eno xakulupu ghenguno ke; ningu no alokughuno shi aghí aye, tiye nongu lokughunopu ghenguno ke, eno tipau no ningu no aghime shikeu toi nongu no aghime shi kelo kheakulu shi kutuulu no puqhekulu shipe niye ke.