ខគម្ពីរពេញនិយមពី 1 Kor. 13

ចែក​រំលែក

Kikimiye ye küsüqhikulu eno küpüqhiyi keu ke. Kikimiye ye anheshu chemo, kikimiye ye akuchhoma shichemo, kikimiye ye aqheküza shichemo. Kikimiye ye kütami thaigha chemo, kikimiye ye alikhi asala phu chemo, kikimiye ye amlokighide shichemo, kikimiye ye timiw shikipimiqo kihikülai pesü qhichemo.

Kikimiye ye alhokuthu süsho cheni, alhokuthu pükhübe cheni, alhokuthu lajupu qhicheni, eno alhokuthu theqhikulu shi khe acheni.

Kikimiye ye küsakügha kümlà lo alokiqi shichemo ikemu kuchou gholo alovishe cheni.

Tishiaye thime hipano küthü ani: aküpülü, lajupu, eno kikimiye. Ikemu hipaqo gholo akiqheu ye kikimiye ke.

Kikimiye ye khilemu ashekha shivemo nani. Khilehi tungkuptsaqo ani keno tipaqo ghí kishekhave nani; khilehi amili kithé no pikeu ani keno tipaqo ghí inaqhoive nani; khilehi akighithi ani keno ti ghí ashekha shive nani.

Ni ye timi mili momu kungumi mili lono atsa pi aghiluvi, ikemu kikimiye küha aye ni ye ayì kihe ghügha lakhi paphi ke momu küghapayi pesü kügha keu ghügha lakhi paphi ke.

Ni ye tungkuptsa pikulupu ghò aghiluvi eno akümzapu tuqhou jeli ngò akighithi kümtsü ithikutolu aghiluvi, eno ni ye naghuto tukiqeve kulupu küpülü aghiluvi, ikemu kikimiye küha aye ni ye kiumu kumoe.

I no pighi akeu kümtsü pesü athokhamiqo lau tsüve aghiluvi eno I phimpi pesü pitive peniye ikhiphe pesü tsüve keu lo qheza aghiluvi, ikemu kikimiye küha kelo ni ye kiumu alá shimlae.

Kughou I no itimi lakhi shi ache keno, ni ye itimi lakhi toi atsa piche, ni ye itimi lakhi toi kümsüche, ni ye itimi lakhi toi kiqiju cheke. Kughou I no kichimi lakhi shive keno, ni ye ititunu lhoaye kümtsü I thikhau qhikhave ke.