ខគម្ពីរពេញនិយមពី ɛTomɛ 2

ចែក​រំលែក

ɛBiturus sa ne yaak nibhɛ, “Te ɛrɔngɔ ndɔ mon no san ɛbɔk, te yɛk ɛbhɛ ne ibatisima ndɔ ne irywɛɛk ɛYɛso ɛKiriti wo. Yaa ne lenɛ ɛlɛy ɛTaanggbey ya ne hana nyini ne ɛfɔt mon no, i nang nyini izɛɛng ne iKabyik ɛTaanggbey de.

Nibhɛ ne nang irway nibhɛ gbigbik daa nikɔn na ne ninɔn ne tom ma mɛmɛ nibhɛ nɛ wo, nibhɛ ne i byingis ìtsɛm, nibhɛ re ire ɛlɔ ɛdaan, nibhɛ ne jii roro.

iKabyik ɛTaanggbey de ne yɛɛs ndɔ ɛrɔngɔ nɛ hyɔrɔ, nibhɛ ne yaa bol ne ihwak ilwem ɛli ne iKabyik ge kɛ nang ɛrɔngɔ.

iDɛ izok ge ne shii le dak ne irywa, te ɛgbaang ne igbil ihywɛ yɛɛs ndɔ ne ijwee wo hyɔrɔ nɛ nibhɛ kɛɛ sonɛ wo. Nidɛng nikɔn na nɛ nibhɛ so te ilwem ne igboo ne wuusi nibhɛ hobhose en nibhɛ sooset dak ne ito nibhɛ. iKabyik ɛTaanggbey de ne yɛɛs ndɔ ɛrɔngɔ nɛ hyɔrɔ, nibhɛ ne yaa bol ne ihwak ilwem ɛli ne iKabyik ge kɛ nang ɛrɔngɔ.

iZenge ne ihwɛlɛ, nibhɛ ne i tumɛ ɛn ndɔ ɛsaa ne iDeng nga, nibhɛ ne i roos idee-idee nibhɛ re en ire ndɔ ne izinɛ ne ishwɛ ne irway ilyaak. Nibhɛ ne i dɛp ɛTaanggbey ye. Ninyi na gbik ne yaa sim nibhɛ. ɛDaray ya ne ma hanas nibhɛ nɛ ninaa ne i phɔrɔt to.

‘Sɛ́ ne sɛ nituk ne taal ɛzay ya kɛ tuu, nzɛ ne sit iKabyik nge daa ninyi na gbik. Ninɔn mon na, niras sɛ nɛ nikuk kɛ sɛ ne tɔng ibol ɛTaanggbey. Ninɔn niphas mon na sɛ ne yaang iyuwa, nibok se ne re ninu nikɔɔn mon na.

Gbigbik ninaa ne nang ne itin na ne i shɛɛ ɛlɔ ɛdaan, nikɔn nibhɛ so ɛte. Nibhɛ ne lɛbhɛl nikɔn nibhɛ, ne ihap nibhɛ, nibhɛ hosop ijam mɛ ndɔ nibhɛ, ne i nang ɛrɔngɔ ɛli ne ihywɛ aa hɔn ɛbhɛ.

Gbik ɛhiha ɛnyi ne ɛ sɛ ne yel-le daa ne irywɛɛk ɛDaray yo, ɛbhɛ ɛ sɛ ne phɔrɔt.’ ”

iRoy de sɛ te gbyighilik, ifɛl lo ne seng zurutut tɛ neyi, nyɛɛn ɛgbaang ɛtuk ne ito-ndiinday ɛTaanggbey yo ne kyi tuu.