ខគម្ពីរពេញនិយមពី EVASELIO A MALEKO 16

ចែក​រំលែក

Pea nee ina ui leva kia natou: Koutou olo i te malamanei katoa, pea koutou fakamafola te logo lelei ki te u tagata fuli.

Pea koeni te u milakulo ae e hoko anai kia natou ae e tui anai: E natou kapu anai te u temonio i toku huafa; e natou palalau anai i ni palalau foou; e natou too anai ni gata; pea kapau e natou inu ni meainu mateia, e mole hoko anai he kovi kia natou; e natou hili anai onatou nima ki te kau mahaki, pea e natou mauli anai.

Ko ia ae e tui anai pea e papitema anai e mauli anai ia ia, kae ko ia ae e mole tui anai e malaia anai ia ia.

Pea nee olo leva ana tisipulo o akonaki i te u potu fuli. Nee gaue te Aliki mo natou, pea nee ina fakamooni te folafola aki ni milakulo nee fagona mo ia.

Kae nee ina ui leva kia natou: Aua naa kotou matataku; e kotou kumi ia Sesu mai Nasaleti, ae nee tutuki i te koluse; kua toe tuuake ia ia, pea e mole kei nofo ia ia i heni; kotou sisio ki te kogamea ae nee tuku ai ia ia.

Pea i te hiki ake o onatou mata, nee natou sisio leva kua tulei te maka, ae nee lahi osi. Nee natou feulufi leva ki te tanuma, o sisio leva ki he tagata tupulaga e lala i te fahai matau, pea nee kofu ki he kofu hina; pea nee natou matataku lahi osi.