ខគម្ពីរពេញនិយមពី Uluaki tohi a Paulo ki te kau KOLINITO 13

ចែក​រំលែក

Ko te ofa e kataki, e fonu ia i te agalelei; ko te ofa e mole maheka; ko te ofa e mole laupisi, e mole mapula ia i te fiamealahi, e mole ina fai he mea e patapata, e mole ina kumi tona lelei, e mole hoko ita ia, e mole mahalohalo ia

e ina uufi te mea fuli, e tui ia ki te mea fuli, e falala ia ki te mea fuli, e ina katakii te mea fuli.

e mole fakafiafia ia i te hala, kae e fakafiafia ia i te mooni

I te temi nei e mau te u mea aeni e tolu: Te tui, mo te falala, pea mo te ofa; kae ko ae e lahi age i te u mea aena, ko te ofa.

Ko te ofa e mole puli i he aho. Ko te u tala fakapolofeta e pulihi anai, ko te u lea kehekehe e gata anai, e pulihi anai te iloilo.

Kapau e au palalau anai i te u lea a te tagata mo te kau aselo, kae e mole au mau te ofa, e au tatau mo he foi pele e tagi, pe ko he foi nafa e gugulu.

Pea kapau e au mau anai te meaofa o te tala fakapolofeta, mo te mahino ki te u misitelio fuli, pea mo te iloilo katoa; pea kapau e au mau anai te katoa o te tui o kaku ki te hiki o te u mouga, kae e mole au mau te ofa, e ko te mea noa au.

Pea kapau e au tufa anai oku koloa fuli, ke fafaga ai te kau masiva, pea kapau e au tuku anai toku sino ke tutu, kae e mole au mau te ofa, e mole hona aoga kia au.

I te temi ae nee au tamasii ai, nee au palalau fakatamaliki, nee au manatu fakatamaliki, nee au fakakaukau fakatamaliki; kae i te temi nee au liliu ai o tagata, nee au tuku kehe te u mea fakatamaliki.