ខគម្ពីរពេញនិយមពី Marko 13

ចែក​រំលែក

Na mweye mokwihilwa na wanhu wose kwa mzoko wa twaga jangu; ayuja yonda yafunye umoyo kuvika ikimambukizo, yuyo yonda yahone.

Iteganyeni, mkale mangweda, kilumbo hamvimanya siku zake vonda ziduganye!

Aho baho vonda wawalave na kuwagala, sukumsonge kuhusahusa mbuli za kulonga, bali ulonzi wonda mgwelelwe kipigiti kicho, galongeni gagaja! kilumbo si mwemwe wonda mulonge, bali Loho Yangʼalile.

Ulanga na isi woziga, bali malonga gangu honda gazige.

Komu ija isiku hebu kipigiti chake vonda kivike, munhu havitanga, hebu malaika wa Mulungu hebu Mwana, bali Tata yaiyeka.

Na hewo wowakonga bwando; na mweye mohulika nghondo na luvumo lwa nghondo, bali sukumgudeme; ago honda galeke kulawilila, bali sicho ikidugalo.

Avo kaleni meso, kilumbo hamvitanga Mwene Ngʼanda hoyobwelela, kamba kokwiza ichungulo hebu ikilo ndovu, hebu nzogolo zikwika kubunzuke. Sekeyeze yawasinhuse, yamvikeni muwasile! Na hijo diniwalongela mweye, nowalongela wose, Kaleni mangweda!”

Kilumbo wokifunganyila lukolo kwa lukolo, vivo watawala kwa watawala wayawo; na hanhu hakwe hakwe holawilila kingudemo, na hayagwe nzala; ago icho ikisongelo cha masungu.

Na Usenga Unogile hauleka ubwililiswa tanhu kwa wamhazi wose.

Kilumbo bwando wonda weze kwa twaga jangu, kuno wolonga, niye nene!

Komu mweye iteganyeni wenyego; wowagalani hatagusilo ja iwakulu na muli zingʼanda za nhambiko msunigwe, imalabaho womwimizani havihanga vya watawala na wandewa kwa kilumbo changu, mwize kunisindila kumwawo.

Kilumbo yokwinuka mikristo ya utungulu na watulandagu wa uvwizi, na hewo wotenda vilolomboto na vilozo, wawaluluse wasaguligwe, giladi wage, kamba vihadahika.

Mazuwa higo, ija imigaduso vonda ibite, zuwa dogalamka titu na kugela ziza; na mwezi hondaungʼale mulangaza wake. Na nhondo zolagala kulawa kuulanga, mhiko za kuulanga zotigiswa.