ខគម្ពីរពេញនិយមពី VA ROMA 8

ចែក​រំលែក

Tua kũlĩha okuti ava va sole Suku, haivo va kovongiwa ndeci Suku a panga, Suku o talavaya lavo vovina viosi oku va sumũlũisa.

Momo nda kolela okuti ndaño okufa, ndaño omuenyo, ndaño ovangelo, ndaño olombiali, ndaño ovina viacilo, ndaño ovina vi laika oku iya, ndaño ovonene, ndaño ovina viokilu, ndaño ovina viokalunga, ndaño ociluvo cikuavo, lacimue ci tẽla oku tu tepa kocisola ca Suku ci kasi vu Kristu Yesu, Ñala yetu.

Haico Espiritu a tu kuatisa pokati kokuleñela kuetu, momo ka tua kũlĩhile oku likutilila ndeci ca tu sesamela, puãi Espiritu eye muẽle o tu livondelelako laleñoleño ka a popaiwa.

Ovina evi tu vi popela nye? Nda Suku o kasi letu helie o tu katukila?

Oco kaliye, ka kuli episo kuava va kasi vu Kristu Yesu.

Momo, oku tiamisa ovisimilo viutima koloñeyi vietimba oko okufa, puãi oku tiamisa ovisimilo viutima kovina vie Espiritu, oko omuenyo, haiko ombembua.

Ka ci tẽliwa. Omo tu kasi lu o tu sole, oco, vovina viaco viosi, tu piãla vali kokuyula.

Ame nda kolela okuti ohali yoloneke vilo ka ci tava oku yi sokisa lulamba u laika oku tu tukulukila.

Helie o tẽla oku tu tepa kocisola ca Kristu? Ohali hẽ pamue ongongo, pamue eyambulo, pamue onjala, pamue epẽle, pamue ohele, pamue osipata, yi ci tẽla?

U o seteka ovitima viomanu wa kũlĩha ovisimilo vi Espiritu, momo Espiritu o livondelelako olosandu ndeci Suku a panga.

Momo vosi va songuilua le Espiritu lia Suku ovo omãla va Suku.

Momo ava va tiamela ketimba va sokolola ovina vietimba, puãi ava va tiamela ke Espiritu va sokolola ovina vie Espiritu.

U ka kuatelele Omõlaye ohenda, puãi wo tu wavela etu vosi, ka tu ihilevo hẽ ovina viosi kumue laye?

Oco Espiritu, eye muẽle o kasi loku imba uvangi kumosi lespiritu lietu okuti tumãla va Suku. Oco, nda tumãla, nda tuvakapiñala, okuti vakapiñala ka Suku, kuenje tu piñalẽla kumue la Kristu, nda tu talela ohali kumue laye, okuti tu muilavo Ulamba kumue laye.

Momo utima wa tiamisua koloñeyi vietimba u tamalala la Suku, ka u pokola kovihandeleko via Suku, kuenje ko ci tẽla.

Momo ovilulikilo viosi vi tailili oku mola etukuluko liomãla va Suku.

Momo tua kũlĩha okuti, toke cilo, ovina viosi via lulikiwa vi yavalela kumuamue olongembia vioku cita.