ខគម្ពីរពេញនិយមពី YOANO 6

ចែក​រំលែក

Yesu wa popia lavo hati, Ame ndimbolo yomuenyo. U iya kokuange ka kuata onjala, lu o ñolela ka yevi vali enyona.

Espiritu olio li muisa omuenyo, etimba ka li tẽla cimue. Olondaka nda popia lene ovio espiritu, haivio omuenyo.

Ko ka likavisili okulia ku nyõleha, te okulia ku kala ta komuenyo ko pui, oku Mõlomanu a wihi. Momo Isia, haeye Suku, wo kapela ondimbukiso.

Momo ocipango ca Tate ceci, okuti, wosi o limbuka Mõla loku u kolela, o kala lomuenyo ko pui, kuenje ame ndu pindula keteke lia sulako.

Yesu wa va kumbulula hati, Upange wa Suku wowu, oku kolela u wa tumiwa laye.

Vosi Isia a nyiha, veya kokuange, kuenje u iya kokuange siu takumula.

Simono Petulu wo kumbulula hati, A Ñala, kulie tu enda? Ove, ove o kasi lolondaka viomuenyo ko pui.

Ame ndimbolo yi kasi lomuenyo ya tunda kilu. Umue nda o lia kombolo eyi, o kala ño-o hũ lomuenyo. Kuenje ombolo ngecela omuenyo woluali oyo etimba liange.

Lomue o tẽla oku iya kokuange, te Isia wa numa u koka. Kuenje ame ndu pindula keteke lia sulako.

Momo ombolo ya Suku yeyi yi tunda kilu, kuenje yeca omuenyo koluali.

Ame ndimbolo yomuenyo.

Oco Yesu wa nyañula olombolo kuenje, eci a vi panduila, wa vi amuila ava va tumala, haico otulosi ndeci va yongola. Kuenje, eci ve kuta, eye wa popia lolondonge viaye hati, Nolipo ovimalañanya via supapo okuti lacimue ci peseka.

Eci va tapula owato ca soka ndolo-kilõmetro vitãlo pamue epandu, oco va mola Yesu endela kilu liovava, yu wa pitila ocipepi lowato. Va kala lusumba, puãi eye wa popia lavo hati, Ame. Ko ka yokoki.