ខគម្ពីរពេញនិយមពី EFETIKILO 17

ចែក​រំលែក

Eci Avirama a kala lakui ecea kanyamo ecea, oco Yehova wa limõlehisa kokuaye, wa popia laye hati, Ame ndi Suku Ukuonenewosi. Endaela volonjila viange loku pua evelo.

Onduko yove ka vi tukuiwa vali Avirama, yi tukuiwa puãi Avirahama, momo nda ku lingisa kukululu yolofeka via lua.

Ñolisa ocisila nda lisila love lombuto yove yu ku kuãi, kuenda ovitumbulukila viavo, ha ci lingi ocisila ka ci pui. Ndinga Suku yove. Ndingavo Suku yombuto yove yu ku kuãi.

Ocili, ocisila cange ci kasi love, o linga onjali yolofeka via lua.

Suku wa linga hati, Oco hacoko. Sara ukãi wove o ku citila omõla ulume, u luka Isake. Ñolisila kokuaye ocisila cange ha ci lingi ocisila ka ci pui kombuto yaye yu kuama.

Kokuove lokombuto yove yu ku kuãi ngeca ofeka omu o kasi loku tuñayala, okuti ofeka yosi ya Kanana, ha yi lingi ocipiñalo ka ci pui. Lame ndinga Suku yavo.

Oco Avirahama wa wila posi, wa lituvikapo, wa yola kuenje wa litana lutima hati, Omõla hẽ, o citiwa ku o kuete ocita calima? Sara layevo ukuakui ecea kalima o cita?

Suku wa popia la Avirahama hati, Ukãi wove Sarai, ku ko tukule vali onduko yaco ya Sarai, te oku u tukola Sara.

Vu seviwila kociyuvuluila cetimba liene; ci linge ondimbukiso yocisila ci kasi pokati kange lene.

Puãi ocisila cange ndi ci kolisila ku Isake, u Sara a cita love, kenyamuali koloneke nda vilo.

Pokati kene, omõla ulume wosi wa tẽla oloneke ecelãla o seviwa. Pokati kovitumbulukila viene, ulume wosi, ci kale onyitiwe yovepata, ci kale u wa landiwa lolombongo kukombe hokuambuto yoveko, lu wa citiwa vepata, lu wa landiwa lolombongo viove, vosi va seviwe. Oco ocisila cange ci kala kositu yene, ci linga ocisila ka ci pui.