ខគម្ពីរពេញនិយមពី II VA KORINDO 1

ចែក​រំលែក

Suku, Isia ya Ñala yetu Yesu Kristu, a sivayiwe! Eye Isia yohenda, haeye Suku ukuakulembeleka pokati kovina viosi. O tu lembeleka kohali yetu yosi, okuti tu tẽlavo oku lembeleka ava va tala ohali lelembeleko Suku a tu lembeleka lalio.

Momo, ndeci ohali ya Kristu ya tu luila haico elembeleko tu sanga la Mitakati Kristu li tu luilavo.

Ocili, tua simile tuti, Tu fa. Puãi noke tua limbuka okuti yeyilila oku tu longisa, okuti ka tu likolela etu muẽle, te oku kolela Suku u o pindula ava va fa.

Puãi u o tu kolisa kumue lene vu Kristu, haeye wa tu waveka loku tu iha ocikundi, Suku. Haeye wa tu kapa ondimbukiso yaye, kuenje wa kapa vovitima vietu onjeke ye Espiritu liaye.

Nda tu tala ohali, tu yi talela okuti ene vu lembelekiwa kuenda vu popeliwa. Nda tu lembelekiwa, elembeleko liaco li tiamela kokuene, kuenje vu li sanga eci vu pandikisa kohali ndeyi yetu.