ខគម្ពីរពេញនិយមពី I VA KORINDO 12

ចែក​រំលែក

Puãi komunu omunu kua eciwa olongavelo vi Espiritu, kuenje via eciwila okuti omanu va likuatisa pokati.

Ene wutimba lia Kristu, kuenje omunu omunu wuvimatamata vialio.

Kuenje nda ocimatamata cimosi ci tala ohali, ovimatamata viosi vi talela kumuamue laco ohali. Nda ocimatamata ci pandiyiwa, ovimatamata viosi vi yolelela pamuamue laco.

Omunu umue ihiwa le Espiritu oku popia luloño; ukuavo oku popia lukũlĩhiso, le Espiritu liaco hailio; ukuavo ekolelo, le Espiritu liaco hailio; ukuavo ongavelo yoku kayisa, le Espiritu liaco hailio; ukuavo oku linga ovilimbu; ukuavo owanji wuprofeto, ukuavo oku limbuka loku tepisa aspiritu, ukuavo alimi aiñi aiñi, ukuavo oku pitiya alimi.

Puãi olongavelo viaco viosi via eciwa le Espiritu limuamue. Eye avela omanu vosi ndeci a panga, omunu omunu.

okuti ketimba ka ku keye olonepele; puãi ovimatamata vi likuatele pamosi ohenda.

Kaliye kuli olongavelo viñi viñi puãi Espiritu limuamue. Kuli ovopange aiñi aiñi, puãi cime umuamue. Kuli okutalavaya kuiñi kuiñi, puãi Suku umuamue o talavayisa viosi vomanu vosi.

Suku wa kapa vekongelo liaye, tete ovapostolo, vali ovaprofeto, tatu alongisi, noke vakuakulinga ovilimbu, noke vakuakusakula, noke oloñuatisi, noke asongui, noke vava va popia alimi aiñi aiñi.

Momo etimba hacimatamata cimosiko, puãi via lua.

Hacoko. Puãi ovimatamata vietimba vina vi similua okuti via piãla oku leñela, ovio vi sukilua enene.

Nda etimba liosi lia kaile iso, oku yeva nda kua kala pi? Nda liosi lia kaile oku yeva, okulehũla nda kua kala pi? Kaliye puãi, Suku wa sokeka vetimba ovimatamata viosi, cimosi cimosi, ndomo a panga. Nda viosi via kaile ocimatamata cimosi, etimba hẽ, nda lia kala pi?