ខគម្ពីរពេញនិយមពី Mako 13

ចែក​រំលែក

Antu tshe wayunyuhetsha dikambu dia lukumbu lami. Keli one layushikikala edja ndu lʼekumelu, ayushimbamela.

Nyewo, nyendaki, ne dia nyu hanyeya lamʼayukuka etena kako.

Lamʼayuwutsho la nyu la ntunyukimo lʼelumbwelu, tanyuyakananyaki ntundu nyati: Kayututa na? Kanyuti aui wayuwunyusha lʼetena kako, ne dia aha nyu mbayuta, keli Nyuma kʼOlolo kayuta.

Ulungu la kete wayushila, keli aui ami hawushila.

Nduku untu leya lushi kana ushidi ako, kuyanga andjelo wa lʼulungu, kuyanga Ona, paka Papa ndame.

Lamʼayunyuka akambu wʼata la kumu yʼata, tanyudidimaki. Akambu aso wayuya mete, keli ekumelu atayala.

Nyendaki — ne dia nyu hanyeyi etena kayuya kanga luudu, kana la dikolo, kana lʼasa ndeki, kana kokʼa ntundu, kana la pindju — Lamʼayunduya shashimuya, ndi atukunyutana lu djo. Diui diunyutedimi ne, antu tshe mbaditelami nti: Nyendaki.

Wudja ayolosha wudja, la diulelu diayolosha diulelu. Adidimu wa kete wayenama lu dihuli la dihuli. Ndjala ya kasha yayuyala. Akambu aso wavuvala etatelu kʼasui.

Dieli la lukumu lʼololo nsambishama ntundu lu wedja tshe.

Antu efula wayuya lu lukumbu lami, wata untu lʼuutu ati: Dimi keli Kristu. Vo wayunganyia antu efula.

Keli nyu nyewo, wayunyukimo lu dumbwelu; wayunyokomola lu temwelo diawo. Nyu nyayemala lu dumbwelu la ntundu kʼembuledi ndu ka khumi ya dikanga dikambu diami.

WaKristu wa kashi la amvutshi wa kashi wayunela, wayenya tulimbitelu la akambu wa mamba, dia munganyia ndu esonami, naka vo wayeya ntsha.

Lu nshi sho, lamʼayushila fono keso, unya ayukadimo udjima; ngondo hukashiya; toto tayoko uma lʼulungu; diango dia wulu dia lʼulungu diayusutshasutshama.