ខគម្ពីរពេញនិយមពី Etatelu 28

ចែក​រំលែក

Enda, dimi leko la ye. Dimi layutakulamaka lu ahuli tshe wayuyutatshokaka. Ndu layukukaluya lu kete nye, ne dia dimi hankosekaki edja ndu lamʼayumushidiya akambu wamumukutela.

Ku Latuya laka akemala lʼote alo; akati ati: Dimi leli Latuyalaka, Unyashungu a tsheye Abarahama, Unyashungu wa Isaka Kete ku yetamiye mbayumukusha, we la tukanula taye.

Ku Jakoba akemo uma lu djo; akati ati Mete, Latuyalaka eko lu dihuli ne, keli dimi kumbeya.

Jakoba akatshiki daka ati: Naka Unyashungu eko la mi, ndu ayutanamaka lu lokendo latamatshu lone, naka ndi ayutambishaka ma dia nde la ahondo wa ndota, ndu ayu nkaluya la ki lu luudu la papa, ku Latuyalaka ayuyala Unyashungu ami. Dive diamumeme ne, diayali uku luudu la Unyashungu. Ku uma lu diango tshe diayundumbishaka, dimi layukaluyaka etenyi ka dikumi le ndi.

Tukanula taye tayuyala efula uku ditshu dia la kete. Vo wayudiangana utsha lʼedjelu ndu utsha lʼehutwelu ka unya, la utsha la ngele ndu la diku dia kushi. Khumbu ya wedja tshe wa la kete yayotshokwama lu dikambu diaye, we la tukanula taye.

Ndi akole dihuli diako ati: Betele (kitshimudi ati: luudu la Unyashungu). Keli lukumbu lakawetaka usumba ako ntundu, laki Luza.