ខគម្ពីរពេញនិយមពី Etatelu 17

ចែក​រំលែក

Lamʼaki Abarama la deku akumi divwa la divwa, Latuyalaka akene le ndi, akawutela ati: Dimi leli Unyashungu, Kanga-Wulu-Tshe. Okendakendaki ololo la ntundu kami, ndu uyali ololo tshe.

Dimi lambukete lotshetshe la wedja efula. Okone untu taketaki ntu ati: Abarama. Keli lukumbu laye layali Abarahama (kitshimudi atil lotshetshe la wedja efula).

Dimi layushikike daka diami lʼasami la ye ndu lʼasami la tukanula taye tayuto lʼokongo aye. Dio diayuyala le lolonga la lolonga. Daka ne diayuyala daka dia pundju le ye ndu le tukanula taye, dia dimi ndjala Unyashungu aye ndu a tukanula taye.

Enda, dimi lambukulaka daka diami ne nti: We ayuyala lotshetshe la wedja efula.

Unyashungu akûkaluya diui ati: Mete mete wadeye Sara kayukutela ona pami, kuwole wati: Isaka (kitshimudi ati: Tola). Okone dimi layushikike daka diami le ndi ndu le tukanula tandi pundju.

Kete yudjashiye ongendangenda mbayumunyusha, we la tukanula taye ta nonga la nonga. Kete tshe yʼasi Kanana yayuyala yanyu, we la tukanula taye pundju, Osoku dimi layuyalaka Unyashungu awo pundju.

Abarahama akako ekhukhumadi; akole ata lʼutema ati: Untu laya la deku lukama mbeyaka mbuta ona? Ndu Sara laya la deku akumi divwa, mbeyaka mbuta ona uka?

Unyashungu akatela Abarahama ati: Tetaki wadeye ntu wati: Sarai, ne dia umaka kakiane lukumbu landi layuyala Sara (kitshimudi ati: Umuntu la nemo).

Kanyahemaki uhekeli. Oso ayuyala djimbitelu ya daka diasami la nyu.

Keli dimi layushikike daka diami le Isaka, ona layukutela Sara, lʼetena uku kene lʼeleku kʼuyuyu.

Kanyahemiaki ona pami tshe layutoka lʼatei anyu uhekeli lamʼayundukuka nshi enanei. Etshelu kene kayuyalaka le ana tshe wa lolonga la lolonga, kuyanga le ona layunyukundja uma le untu lahuto la nyu. Le ona lambuto lu luudu lanyu kana le ona lambunyusumba la falanga, dieli la nyu dia mbahemia uhekeli. Ku djimbitelu ya daka diami yayutshikala pundju lu alimba anyu.