ខគម្ពីរពេញនិយមពី Suluet 39

ចែក​រំលែក

A MATAT gwe ko Yosepa, a ŋo kanyit liŋ iti ’bura; a nye gwe ko duma lonyit midi logon a Ejipetotyo lo.

A nye kölökiŋdye ŋo liŋ na gwon kanyit kune ko Yosepa i könin; a nye Potipar tine den nene ŋo amatuŋ deŋdya kinyo logon nye nyönyö lo. Nyena a Yosepa kwelenye kwelen i mugun ko i meta.

A katiyunit lo kadi rereket lo tiŋdi Ŋutu liŋ lo rereka nyu kulo ko Yosepa i könin; a ŋo liŋ nagon kokonatu nyu kune a Yosepa lo gwe a kakonanit lose

A ŋilo duma morgi Yosepa a tiŋdi lepeŋ i kadi rereket i nu pirit na rere-karikin Ŋutu ti mor nu, a nye gwe yu i kadi rereket. Ama a MATAT gwe ko Yosepa, a kwekiŋdye lepeŋ ’busan na nyaŋu nanyit, a tiŋdi duma lo kadi rereket lo i nyaŋu na lepeŋ.

A ko gwe sona i mukök na kine kulya, a nakwan na duma lonyit sekiŋdye konyen ko Yosepa, a kulyani adi, Dotoni ko nan. Ama a nye renyani renya, a kulyani ko nakwan na duma lonyit adi, Mete, duma lio ti den ŋo ti mede nagon a tiki köyö i könin kune, iŋkoi, nye a tikin ŋo kanyit liŋ köyö i könin. Nye ti gwon a duma i na mede lwölwöŋ nan; Köti a nye gwe a ko tiŋikin nan nene ŋo, ama tuŋ tiŋikiŋdyö nan do geleŋ kogwon do a nakwan nanyit; nyenagon nan bubulö koŋdya ŋina toron duma ada i toroŋdya na Ŋun?

A i lele lor, a Yosepa luŋöni kadi i koŋdya na kita nanyit, a lele lo Ŋutu ti mede gwe ’bayin lukata, a nu ŋuto morgi lepeŋ i boŋgo kulya adi, Dotoni ko nan. Ama a Yosepa kölökiŋdye boŋgo nanyit na ko nu ŋuto i könin, a wöku kaŋo kadi kata.