ខគម្ពីរពេញនិយមពី Matayo 13

ចែក​រំលែក

Ngikinyam lu ealakinosi nalup naajokak, ikote ngitunga lu iirarete akiroit tochoiasi, tokoniut ageor ngiche amiat apei, ngiche ngatomwon-kapei, ngiche ngatomwon-uni.”

Isikwaanitae ngikinyam lu ealakinosi tooma lookwa ka ngitunga lu iirarete akiroit, nakaneni ngichan a eboyor a akwap ka aminakinit ebari, nyisirichakinete kesi akiroit ngina, nakaneni tongopa ngakiro naajokak anakiroit kangina.

Lu iirarete akiroit a Apolou a Akuj nakaneni nyechoiyasi, ikwaan ka ngikinyam lu ealakinosi lorot. Ani ebuni Ekipe tolema akiroit na eyei lotai kech.

Isikwaanitae ngikinyam lu ealakinosi natabab, ka ngitunga lu iirarete akiroit tonupa a alakara napei iirareta. Nakaneni nyelomari akiroit lotai kech lokojokon kori nyenupete akiroit ngina nikooyen. Na ichanere kesi kori na eboliare kotere akiroit ngina, sodi toisikis kesi atipei.

“Ikoni Apolou a Akuj ibore nikaalan a ngaropiyae emurakina mana. Kiyookin itwaan sodi tonuk nabo. Talakar noi, tolot, togiela ibore daang ni etingit ngesi. Ani erumor, tobongo togiel amana ngina.

Nakaneni kialakinos ngikinyam ngiche nalup naajokak, toruput ngimomwa topolout, tokoniut ngiche amiat apei, ngiche ngitomwon-kapei, ngiche ngitomwon-uni.”

Kimiekisi ngakanoi ka edoan toruput daang aapei tanang ngirwa lu elemere. Sodi atolimok ayong ngikalemak atamar, torutut mono edoan sodi totukonokis a ngaenet kinomae, ani erumor tochunakinae ngakanoi kikachakinae lokeru kang.’ ”