ខគម្ពីរពេញនិយមពី Bụo aRom 6

ចែក​រំលែក

Ịikpia phọ ịkaraph, aḍuugh; kụ aruunmo phọ kꞌẸnaan, aghuḍum kꞌagee-pọ, dị rạtuan ghan Jịzos Kraist Ọmoogh-we phọ ayira kụ karu.

Ịkaraph inyina kíkpobiom mun, ịdi eḍighi bọ iilogh phọ inyina íkpophonom mun, ọnma ighirigiir Ẹnaan phọ kụ riphogh inyina.

Mem mọ uwurogh bọ iyira mụum mọ, yira uphin aani ni bin aḍuugh phọ aKraist kụ orelhian nyọdi oḍigh aani oḍi phọ ọdi, ọbo yira ọtuan ịdipho ịikpo eghuan Ọde phọ eḅeton bọ Kraist sịphe aḍuugh phọ ọmoogh aani kumoom aghuḍum.

Kémeera mun ẹḅogh rꞌeniin esi aloor anyina ẹngo mọ ịkaraph ẹsighe eḍighinom ịlo ị́nighe. Ịḅogh ghụn loor phọ anyina ẹngo Ẹnaan, ịdipho awe dị mosi ni kụ origheel. Rꞌesi aloor anyina kísugha ọngo Ẹnaan, ọbo ọdi ạsighe aḍighinom ịpe ẹnighe bọ!

Yira olegheri ni mọ ụḅaram aani ni igbaany ạroozo phọ yira ọrolom ghan bọ rꞌạJizos kụ oghiigh bọ sịphe oreeny phọ, ọbo ophiemi ịikpo phọ ịpe ịkaraph ẹsighe bọ ikpobiom iyira eḍighi rẹbene phọ ọdi.

Igina phọ kẹn kụ ịdi nyina kẹetughian ghan mọ aḍuugh phọ nyina emugh bọ ạḍio ophiemiom ịikpo ịkaraph, kụ nyina mẹḅophoghan Jịzos Kraist edimom ghuḍum oghueniom Ẹnaan.

Yira kọkaaph bọ eeghe nụun? Ọrol dọl ịkaraph phọ ayira ọghiom ghisigh, ọbo ọnma ighirigiir phọ Ẹnaan ạbalabala ḍụghum? Kị́dipho. Ịkaraph iyira ị́moogh mun. Esi ịkaraph phọ yira momugh. Ịlo ayira ríḍigh mun ọtomaam ịkaraph.

Nyina ílegheri mọ oye lọ nyina esooromi loor anyina ẹngo rẹnaghanan ghan, pọ nyina meḍighi rẹbene oye phọ ọpo phọ, ḍụghum? Iikia ílho ịphen phọ, mọ nyina rẹnaghanan ghan ịkaraph phọ kirorori bọ inyina esiemi kꞌaḍuugh, mọ nyina ekumu rẹngo ọnaghanan ạḍughum mọ kirorori bọ inyina esiemi kꞌaruukuan.

Kụ ạḍiseph ẹrolonaan ni Ẹnaan, ịdipho mem dị meten nyina eḍighi bọ ni rẹbene ẹngo ịkaraph kụ eru ẹteeny mem dị nyina ẹsighe ni oomo iloghi anyina ẹnaghanan igey phọ ịpe ịtughemi bọ inyina. Ịtagharan ni inyina ọsighe ḍịghaagh ịkaraph kụ nyina eḍighi rẹbene ẹngo ruukuan.