ខគម្ពីរពេញនិយមពី Matiu 6

ចែក​រំលែក

Ẹkẹvuọvo gba ka guọnọ uvie rẹ Ọghẹnẹ tavwe, kugbe ọvwata rọye, kọ vwẹ emu na ejobo ba kẹ wẹ.

Eriyin na ovwan gbe ro ẹnwan kpahe odẹ-ẹ, kidie odẹ cha ro ẹnwan rẹ oma roye. Jẹn ukpokpogho rẹ ẹdẹ na te kẹ ẹdẹ na.

Eriyin na me ta kẹ wẹ nẹ, wọ rua ẹnwan kẹ oma wẹ-ẹn, obo wọ cha re kugbe obọ wọ cha da-a, eyẹ amwa wo che vwo rhuo-o. Ẹnwẹn wẹ ghare nọ amwa-a?

Ẹkẹvuọvo ovwan da nẹ ẹrhovwo, wa ro uvun rẹ ovwan, we de bi ẹchẹ gbe nu, gba rẹ ọsẹ rẹ ovwan rọ hẹ odjahọ, re ọsẹ rẹ ovwan rọ mrẹ orẹ vwẹ ehoho ye, kọ hwa osa kẹ wẹ vwẹ azagba.

Enẹ ovwan nẹ ẹrhovwo; Ọsẹ rẹ avwanre rọ hẹ obo odjuvwu, Jẹn avwanre vwẹ ọghọ kẹ ọde wẹn. Jẹn uvie wẹn rhe, ru ẹguọnọ wẹn vwẹ akpọ na kirobo re ruẹ vwẹ obo odjuvwu.

Emu ri kẹdẹ kẹdẹ vwẹ ọ ri nonẹ kẹ avwanre.

Vwẹ imwemwu rẹ avwanre rhovwo avwanre, Kirobo me vwo rhovwo ọrivẹ rẹ avwanre.

Wo suẹn avwanre ro ọdavwini-i, ẹkẹvuọvo si avwanre nẹ ukpokpogho.

Kidie we de vwo rhovwo ọrivẹ rẹ ovwan, Ọsẹ rẹ ovwan rọ hẹ obo odjuvwu ko ji vwo rhovwo ovwan.

Gbe ni emephran re hẹ obenu na, ayen kọ-ọn, ayen vuẹ-ẹ, ayen vwo erhu-u, jẹ Ọsẹ wẹn rọ hẹ obo odjuvwu ghẹrẹ ayen. Ovwan gbe ghare nọ aye-en?

We koko efe rẹ ovwan phihọ akpọ na-a; asan rẹ ẹghwọghwọ da ria rẹ ekagba de ji muẹ, asan rẹ oji tọfiẹ o mi cho. Ẹkẹvuọvo koko efe wẹn phihọ obo odjuvwu, asan rẹ eghwọghwọ da ria-a, rẹ ekagba de muẹ-ẹ, asan rẹ oji sa tọfiẹ o cho-o. Kidie asan rẹ efe wẹn epha etiyin iroro wẹn je dia rhe.

Ohwo sa ga inini ivẹ-ẹ, ọ da dia ọtiọye kọ dia avwebọ kẹ ọvo, ọ me rha dia avwiorọvwe kẹ ọrivẹ; eyẹ ko si kẹre ọvo ko sheri kẹ ọrivẹ; Wọ sa ga Ọghẹnẹ vẹ ẹdjọ kugbe-e.

Ọ da dia nẹ Ọghẹnẹ sa vwẹ amwa rhuo idodo rẹ aghwa, re rhua bodo bodo nonẹ, odẹ rọ cha a gbẹn ayen kufia, komavọ o rhuo ovwan te, iri vwo esegbuyota krẹkrẹ na?

Ẹkẹvuọvo ovwan de ru ẹse we jẹ obọrhe rẹ ovwan riẹn obọ rẹ obọhwere rẹ ovwan ruẹ-ẹ. Ovwan me bẹbẹ ru ẹse rẹ ovwan; rere ọsẹ rẹ ovwan rọ mrẹ orẹ vwẹ odjahọ vwọ hwa osa kẹ ovwan vwẹ azagba.

Jomaotọ, wo ru ẹse wẹn vwẹ irharo rẹ ihwo-o, rere ayen vwọ mrẹ wẹ-ẹ, ọ da dia ọtiọye wọ gbi se vwo osa vwẹ obaro rẹ ọsẹ rọ hẹ obo odjuvwu-u.

Ọfa, ovwan de chirẹ owẹvwe, we ruẹ kerẹ ikeferi ri mu opharo phihọ-ọ; ayen mu opharo phihọ rere ihwo vwọ mrẹ ayen nẹ ayen chirẹ owẹvwe. Uyota me ta kẹ ovwan, ayen vwo osa rayen nure. Ẹkẹvuọvo ọke wo de chirẹ owẹvwe, họ, wọ vwẹ udẹ ghworo opharo wẹn; Rere ihwo vwo jẹ riẹn nẹ wo chirẹ owẹvwe, jokpa rẹ ọsẹ wẹn rọ mrẹ orẹ vwẹ odjahọ; rere Ọsẹ wẹn rọ mrẹ orẹ vwẹ odjahọ na, sa hwa osa kẹ wẹ vwẹ azagba.