ខគម្ពីរពេញនិយមពី Luù 6

ចែក​រំលែក

Sèè nìŋ kiɛ̀ŋ aŋ dàwiiŋ nyàŋ, yɛi wo Dayà doiŋ nàŋ kiɛ̀ŋ e dìa niŋ kpaŋ. È do nàŋ nɔ̀ŋ sɔ̀la niŋ wɔŋ pòum sùà e dià pi woiŋ niŋ kiɛ̀ŋ, e kìlà e kìɛŋ bi doiŋ nàŋ kpɛ̀lɛ̀ e mààŋ nyààŋ. E ɗèwè guùŋ nɛ nɔŋ nìŋ tuwà koɓɛ̀ aŋ dàwiiŋ nyàŋ lɛ, e ɗèwè guùŋ bi sùà nɔŋ wo Dayà do nàŋ tùwò ko nɛ̀ɛ̀iŋ niìŋ.”

Wo nyuùŋ sìàŋ hiàŋ maŋ nɛ̀ŋ kɛnɛ e yìwìà ko sùlò maŋ nɛ̀ŋ kɛnɛ ke jiiuŋ nɛɛ̀ŋ sùà. Wo nyuùŋ naanààŋ hiàŋ maŋ nɛ̀ŋ naanààŋ e yìwìà ko sùlò maŋ nɛ̀ŋ naanààŋ ke jiiuŋ nɛɛ̀ŋ sùà. Wɔŋ nyààŋ nàŋ woà e nɛ̀ɛŋ naum dìè ke jiio sùà lɛ.

Kɛɛ mànaìŋ aŋ jooiŋ nyàŋ e kìlà niŋ nyinìàŋ nyiŋ keì sìàŋ. Ɓɔ̀ nìŋ kiɛ̀ŋ nyiŋ fòfoo nìŋ manaŋ wèè aiŋ niŋ ɓɛìŋ kɛlɛ̀ɛ̀. Sèè nìŋ nyɛnɛŋ tii, wo Dayà doiŋ nàŋ kìɛ̀ŋ e jìwààjɛ̀wɛ̀ gbee. E kìlà nìŋ do nàŋ nɔ̀ŋ aŋ jɔ̀à wèè wo Dayà Gaàŋ Gbeeɔ̀. Esaɓù kɛ̀ wo Dayà tuwà tɛ̀ɛ̀ koɓɛ̀ wo nyuùŋ gò nyìmàŋ saɓùɔ yaà wo nyuùŋ nyɛ̀nɛ̀ŋ tùwo naanààaŋ.

Kɛ̀ɛ̀nɛìŋ ke nyowo wèè aŋ dàwium nyàŋ, màànààŋ nɔŋ wo Dèdaiŋ nɔɔ̀ŋ kuwa ke nyowo lɛ̀.

“Ɓɔ̀ nìŋ kilià è kiti ànyùùŋ diɛŋ wèè màŋ jùumù nyiŋ màŋ, kpeiŋ kɛ̀ wo Dayà naìŋ kìlìè kiti diɛŋ wèè màŋ jùumùiŋ màŋ nyɛ̀iŋ pɛɛ. Jùùyaìŋ aŋ dàwiiŋ nyàŋ hakɛ̀ wèè e keì naanààaŋ àŋ naiŋ jàà lɛ, kpeiŋ kɛ̀ wo Dayà wòiŋ jùùyà hakɛ̀ nyɛ̀iŋ pɛɛ.

Wo Jisɛ̀ naŋ ɓɛìŋ woò wààŋ, “Tɔ̀ miŋ woò tɛɛ̀ koɓɛ̀ anyùùŋ nyaŋ gbiŋ kumiàìm nyaŋ, mànaìŋ aŋ jooiŋ nyàŋ, e kìlà niŋ tuwò tɛ̀ɛ̀ koɓɛ̀ anyùùŋ nyaŋ naiŋ wùɔ̀ŋ nyaŋ, Zòòloìŋ wo Dayà wèè wo kpuumàŋ anyùùŋ nyaŋ gboàìŋ nyaŋ, e kìlà niŋ zoolò wèè anyùùŋ nyaŋ nimilàìŋ nyaŋ.

Tùwoìŋ tɛ̀ɛ̀ koɓɛ̀ anyuùŋ kpùuŋ dàwiiŋ nyàŋ màànààŋ nìŋ manaŋ wèè aiŋ tuwò lɛ.”

Sèè wo nyùùŋ gbiŋ woum hàà fɛ̀ɛ̀ nyààŋ, kilà wɔŋ fàa bàa wo haà wuŋ fɛ̀ɛ̀. Sèè wo nyùùŋ bà ɓemàŋ wɔŋ kotì mɔɔ̀ŋ, dàngèuŋ wo ɓemè wɔŋ kùmà mɔɔ̀ŋ wuŋ pɛɛ. Kìɛ̀ŋ wo nyùnɔ̀ɔŋ gbiŋ dawàùm wèè muŋ kiɛ̀uŋ e nɛ̀ŋ bà wɔ, e kìlà sèè wo nyùùŋ gbiŋ woum gè e nɛ̀ŋ sìwè, ɓɔ̀ mùŋ dawè wèè wo muiŋ ɓɛìŋ kɛlɛ̀ɛ̀.

“Ke kuù bɔ̀u fè kòmàŋ kè kuù kòmàŋ naanààŋ, e kìlà ke kuù naanààŋ fè kòmàŋ kè kuù kòmàŋ sìàŋ.

Nìŋ do nàŋ nyìmè e nɔ̀ŋ kìì ke kùlɛ̀ɛ e yìwìà ke komàŋ nyiŋ nɛɛ̀ŋ. Niŋ fè ɓɛ̀nɛ̀ŋ kpàà màŋ feè kòmàŋ ɔ̀ɔ̀ màŋ gbɛ̀mɛ̀ɛ̀ŋ komaŋ è yìwìà è ɓìè màŋ dɛiŋ sùà.