ខគម្ពីរពេញនិយមពី रोमी 1

ចែក​រំលែក

ङा ख्रीसए चाव ओथा सथैन्‍या ङालाज माहुइ। यहूदीर तादी ब, छुत जातलावर तादी ब आव पाँत यायुँ हुप्‍ज़्‍यावरालाई परमेस्वरनिकाव साःरो जुनी दैन्‍या सक्ती लिज़्‍या।

ननी ज़ परमेस्वरए मिँरालाई ओलस ओरासखैज़्‍याव येम ब सतैंसिउ लिज़्‍या। नो येम ओजरानी उतुपाङ पै गेयुँ गेसुहुबोनी वाज़ लिज़्‍या। धर्मसास्‍त्रल मनी इताव सर्सिउ लिज़्‍या, “उयुँ हुप्‍द परमेस्‍वरस खैव मिँ वाज़ बाँचिज़्‍या।”

परमेस्वरए आव संसार ओजैज़्‍यावकिन ज़ ‘ओगेर उगुनर स़ोनो खर्क ज़ माखेम्न्‍या ओसक्तीर आवर ज़’ लिन्‍या प़ाइँए ज़ सैंद नैर। ओललाई यामारँःधुदी ब ओदोज़्याव य़ेननी ज़ रैंःज़्‍या। है जैद सुलाई ज़ ‘आव भरी गेमासैंए’ लिन्‍या काता निउँ ज़ माले।

हिताव सैंज़्‍यावत ब परमेस्वरलाई नैद्याव परिन्‍या मान ब नैद माएर, धन्‍याबाद ब माचरैःर। नोराए झन अऩाकलाव पाँर ससैद यायुँनी काता ज़ माहुन्‍या तानाकेर।

सैंज़्‍यावत ब परमेस्वरनिकाव साचो ओपाँलाई ऱास्‍द, होए ओपोल झन धुतनी ताव पाँलाई रैद, हो ज़ साचो जैकेर। एकम्‍न्‍या ओमान नैद्याव परिन्‍या प़ाइँ जैज़्‍याव परमेस्वरलाई माभैंःद ओसेवा ब मादाद, झन ओल ओराजैवराए यासेवा ज़ दोनाकेर।

मिँराए यादोव पापत स़ोनो अधर्म यादोज़्‍याव य़ेन भरित परमेस्वरए ओसजा सरैंःसिउ लिज़्‍या। नोराए यायुँल माचाव वाज़ नैद परमेस्वरए साचो ओपाँलाई ब वैंज़्‍यार।

है जैद परमेस्वरए नोरालाई लाज मोर्नो य़ेनदा ज़ याऱास्‍क्‍यो। ननी ज़ मेंमाराए मनी दाव परिन्‍या य़ेनलाई ऱास्‍द या याल युँ माजामो य़ेन ज़ दोनाकेर। हो मिताव ज़ खेपाराए मनी मेंमारास माताद झन या याल ज़ यायुँ मानैधुद युँ माजामो य़ेनर ब दोनाकेर। नितावराए यापाप याक्‍याँत याज़ भुगिरिज़्‍यार। नोराए परमेस्वरए ओमान नैद्याव माभैंःद यायुँ बिप्‍यादा वाज़ याझाःवए परमेस्वरए नोरालाई ‘कुबानी याय़ेनदा ज़ घबाज़्‍यारक’ लिद बिप्‍यादा ज़ याऱास्‍क्‍यो।

नोर, ‘गे बनै सैंन्‍यार गेलिज़्‍या’ है यालिज़्‍यावत ब काता ज़ मासैंन्‍यार ताकेर। बनै ज़गै मगैव, उजिउँनी लिज़्‍याव, खर्क ज़ माखेम्‍ज़्‍याव परमेस्वरए ओपोल झन जै जन्‍तु, बाज़ा बिज़ा, ऱूइज़ा वान्‍ज़ा, मिँराए अङग्‍या जैद, नोराए यासेवा दोज़्‍यार।