ខគម្ពីរពេញនិយមពី लूका 3

ចែក​រំលែក

यूहन्‍ना झ्यालखानाल ओमाबाद मिँ भरी प़ाइँ यूहन्‍नानी यासछैंसिज़्‍याक येसु पाला सछैंसिके। येसु ऱील सछैंसिद ओपोंखारिज़्‍याक नम फैसिद, परमेस्‍वरए छैंव उपुरूस कुइतम मिताव भुर्हुद येसुए ओक्‍याँत च़ुसिके। हाःत ज़ नमतिन तोबो गा अइ लिद हुके, “नँ ङायुँलाव ङाज़ा ज़। नँलाई रँःद ङायुँ होलाँ ताज़्‍या।”

यूहन्‍नाए नो यापाँ थैद, “ङा जेलाई ऱील सछैंज़्‍याव वाज़ ची। ङा ङाछींनी ङाकिन ओसक्ती ल्‍यो तोबो हुरिज़्‍या। ङा होए ओपोलाए ओच़ें पला·न्‍या स्‍यासो ब ङामाले। होए परमेस्‍वरए छैंव उपुरूस स़ोनो मेंःनी सछैंचिरिज़्‍याव।

जे साचो ज़ परमेस्‍वरए ल्‍योदा जेयुँ फर्कैन्‍या ल्‍यो ताकिन साचो हो मिताव य़ेन ब दाव ताके। जे फरी, ‘गेपुर्खा अब्राहामनी ज़ परमेस्‍वरए ओज़ार ताद गेले’ है जेमालिदी ब ताए। ङा साचो है ङादाचिज़्‍या, परमेस्‍वरए सींर लुँरानी तादी ब अब्राहामए ओथोर याजैधुव।

किताव तोबो मिँए चाव सै माझाःज़्‍याव सींर धलैद मेंःल ओराख्‍याज़्‍याव, हिताव ज़ परमेस्‍वरए ब धलैन्‍याए जूँनी ओरोवा सींए ओजराक झाःद नैव।”

किताव यसैया अगमबक्ताए ओसरो, हो मिताव ज़ ताके। होए ओसरो आव ज़, “बनल तोबोए ओर्गा अइ लिद यासथैरिज़्‍याव, ‘हुरिज़्‍याव प्रभुए ओयेम बनैद गाँत्‍या गुँतीलाई सदाँचिके। झेंःवर तैःद घैराल सब्‍याल्‍चिके, गाँत्‍या गुँतीलाई सदाँद काँ काँ कुँ कुँर सरिप्‍चिके। हाःकिन मिँ भरिए परमेस्‍वरनी बाँचैना हुवलाई रँःन्‍या जेले।’ ”