ខគម្ពីរពេញនិយមពី looma 6

ចែក​រំលែក

maica na huphina no kuisi 'aeno mcoi; at'inghi 'o isi taha'veni a'to to hamo ci mengumi isi poa yonto 'ayumona to nsou to nooe'oca kilisto iesu na a'to ho mayo no 'auesiesi nsou.

i'mi tan'e, 'otena i'vaho noa atʉkca no kuisi; maica 'anamimu noskufu no hoolicu, mimu noskufu no mengumi to hamo.

ieni to toonono, mitocu fiho mcoi, su'upa efo'a; aʉlʉ mais'a 'o amopepe isi ieni to psoevohngʉ ci tonʉsi ho poa i'mi to mcoi 'o kilisto ho smoevovei, teto totiski maezo mino mo faeva ci h'oyunsova.

yaeza teav'a poa peteozu no kuisi si feangomu, noa 'otitha no kokuzo. apuyu. temula sʉ'teni to hamo si iachimu, mais'a cihi cimo i'mi no mcoi ho esvoveiya poa yunsou ci cou, ho aucunva sʉ'teni to hamo 'e iachi, noa 'otitha no moulʉlʉ.

ito cohivi, ina noana'o ci a'to micu fiho to kilisto ho spica to zuuzika, tesi akoevano aapayo'a namo yaa kuisi ci yu'ausnato, poa o'tena tolei no kuisi na a'to.

totiski, hoci i'mita kuisi ho engha, temu yaeza ta'una no mcoi 'e iachi. at'inghi yonto 'ayumona to nsou to kilisto iesu, mimu nomio to hamo ho yaansoua.

mantetocueno av'a? tetoeno a'cʉ'cʉna h'oyunsova na kuisi, ho asuhca poa hupopayoneni na atngaso ci mengumi to hamo? o'ate ahtu maica! hoci i'mita kuisi ho engha, 'a mitocu mcoi. mainci tetos'a aac'o a'cʉ'cʉnʉ yunsou no 'ayumona no kuisi?

'aimueno cohivi, holamu soskuskunu no mocmo ho meo'uzo no taukemu, 'acueno soskuskunusi na muu. 'atec'ueno peelʉi yainca, hocimu noa soskuskunu no kuisi, 'aeno mcoi na ataveisi; hocimu meot'ʉcʉ to hamo, tec'u meelʉ moulʉlʉ ci cou.

'aveoveoyʉ to hamo! mohmula e'vono noa skuna no kuisi, maiten'e mimucu conci 'tohʉngʉ ho meo'uzo to isi psoecʉ'ha muu ci h'omahsʉftʉ. isicu i'mi no kuisi ho poesih'a muu, hocu noa soskuskunu no moulʉlʉ.