ខគម្ពីរពេញនិយមពី looma 4

ចែក​រំលែក

o'aisi payo'a na singkoosi, yaeza o'aisi ta'pepecvaza na ohsi teomneni to hamo; namamo asuhcu mahtʉicʉ na singkoosi, faeni to hamo na psoevohngʉ. isi ta'mamahtʉica taa'uzva 'o hamo tesi ahtao'te aepʉnga na ohsi afu'a teomneni.

aʉlʉ mais'a to isi engha to seiso: <os'o p'eyac'a suu ho amo tamo man'i ci suezopʉ.> yonto tuhcu to hamo, te yaa a'a'ausna 'e isi teomneni tan'e; 'o isi taa'uzva to 'avulahamu 'ai'omoeno poa smoevovei to micu mcoi ci cou, i'mi to uk'a ho mooyai ta acʉcʉhʉ ci hamo.

isi faeni ta emucu ta cou 'o iesu, nomio ta kuisito ho mcoi; isi poa smoevovei to hamo, ko'ko mitocu meelʉ yaa yupa toseolʉ ci natʉ'ca 'o hamo.

yonta mo uk'a ta'usni, mioc'o asngʉcʉ yaa ta'usni 'o 'avulahamu , asngʉcʉ tmaa'uzo, ko'ko micueno meelʉ <amo ta man'i ci suezopʉ>. aʉlʉ mais'a to isi yainca to seiso: <tena ahtuo'te botngonʉ na teko mʉntʉ'ca.>

i'mi tan'e, na teomneni te i'tohungu no tmaa'uzo; na eni te hosoo 'o teomneni to hamo isic'o taha'veni to 'avulahamu ho ito afu'usi mʉntʉ'ca, o'a anouc'o 'omo meot'ʉcʉ to hoolicu ci cou, isi pai'upi 'omo maito 'avulahamu ho tmaa'uzo to hamo ci cou. maica 'o 'avulahamu zou toehungu amo ta mito tma'usnu no piepiya.

i'o isi coveoza ho peteongasa na kuisisi ci cou micu ʉm'ʉmnʉ! na lasi o'te tasvʉta to nooe'oca na kuisisi ci cou mo ʉm'ʉmnʉ!

yainca to seiso: <mo tmaa'uzo to hamo 'o 'avulahamu , i'mi no tmaa'uzosi, isi tamza no coumoʉlʉlʉ to hamo.>