ខគម្ពីរពេញនិយមពី looma 15

ចែក​រំលែក

'o hamo, 'ai'oeno 'o esbobuka no ta'usni, tesi'sola i'mi no lamu singkoo ho poa nongcʉngcʉ na mav'ov'o ci kokaekaebʉ, soanono, inalamu ta'usni, ieni no tonʉ to seilei, ho o'te antʉhʉ apuhngua.

'e e'e ta 'ayumona ta seiso mo acʉhʉ nomio no po'pa'cohivi a'to ho tposi, na atuhcusi tesi poa ieni no buveici ho ino isi faeni ta seiso ci poucufnu ho elʉ no ta'usni.

i'ola mofi no buveici ho poucufnu ci hamo tesi'so to'usni muu ho poa yaa totiski cila hu'a'ausna, momaemaezo no peipeis'ausna to kilisto iesu. peelʉi acʉha poa noteuyunu, tmunsohʉ tohmomoengʉ to amohamo to nooe'oca iesu kilisto.

ko'koeno, akoyu no psoevohngʉ to hamo, temula yupa nia tiou, totiski to kilisto ho isi tiova muu.

'e mito macicihi la conino ta'to'tohʉngveni nate koa ʉmnʉ to mocmo ci sinto, ho m'eac'ʉ note toehunga fihi ci h'oyunsova no singkoo.