ខគម្ពីរពេញនិយមពី maluko 13

ចែក​រំលែក

nomzo a'o, tehe toehunga sʉ'nova muu. at'inghi nate apaezumo bimahtʉicʉ buveici ci cou ahtuo'te elʉ no to'usni.>

temula bumemealʉ, la aʉtʉs'ʉ, maica o'atemus'a cohivi ho homna nate cmʉ'ho na hiesi.

ho tahe tʉtpʉta muu, ho e'usna to hooin, 'ote auyu ma'titvongʉ no cuma na te e'e; homio, cumana tasi pa'cohivneni to hamo, 'aeno cuma na tamu e'e; maica ina tamu pateafa o'as'a iachimu e'e, maisi ieni muu to seilei ho pateafa.

te aapayo'ʉ 'e engʉca ho ceoa, at'inghi 'e e'e'u 'auesiesi o'ate aapayo'ʉ.>

<inacu hiesi no cmʉ'ho nate esmi, uk'a cimo bochio ci cou; o'a ihe cohivi to tensi ta pepe, yaeza o'a isi cohivi to oko, i'oc'o amo namo bochio.

'otela nomio no ehtothomʉ tamo cum'u ho ino isi tac'ʉhi ci yu'susuyumo ne covhi ho yamci. 'emo maica ci hi'hioa tena ahtuo'te yuyafo; at'inghi o'aisi yainca micu sʉc'ʉhʉ na puesona ta lekisi.

ko'koeno, temula aʉtʉs'ʉ, maica o'a imu cohivi ho homna nate esvovei 'o tauke, nenusi no yofna, nenusi no taicofeʉngna, nenusino auyusi no tiskova, nenusi no ataveisi no esmomho 'o hie. honci aemo'au esvovei, teav'as'a poa aitneni ho cimu seolʉa no oengʉtʉ. 'e os'o mi'usneni muu ho engha isi yaeza mi'usneni ta acʉhʉ ho engha: temu la aʉtʉs'ʉ!>

'emo cono suezopʉ tena ehtothomʉ tomo h'unano suezopʉ; 'emo conci hpʉhpʉngʉ tena suyumo tamo h'unano hpʉhpʉngʉ; te nongabo na motoevi ho seova. hote esmi 'emo maica ci hi'hioa aʉlʉ mais'a 'o mamespingi hola ahoi congo hote yayo 'o oko.

at'inghi 'e fukuin tena ahtao'te auevan'a psoecʉ'ha ta yatatiskova.

mo botngonʉ ci cou 'o tena boemi ta ongko'u, mainca: <<'aeno a'o 'o kilisto>>, hocu pasloʉngvi namo 'enepio ci cou.

<temula iachi bumemealʉ, maica tahela tʉtpʉta muu, e'usna to hooin. temu yonto kaitoo ho noa ti'usna; temu nomio a'o, yac'ʉ to tuhcu tola atʉkcʉ ho ito honte, 'akasi 'e fukuin.

maica tena yuyafo 'o mekikilisto ho i'o meyoyongensa; tena peispopo'e, pnanfi na tehe peelʉi ho peknui 'e ohsila epeiya to hamo ci mao'o'okosi.

<ataveisi ho tac'u sucaefi 'o hiesi no meakvo'ʉ, tena smoekua'onga 'o hie, o'anate i'vaho psoetiskou 'o feohʉ, te i'mi ta engʉca 'o congeoha ho supeopeohʉ, 'e ceoceona ta mouhpʉhpʉngʉ te maezo acʉhʉ tmaot'ou.