ខគម្ពីរពេញនិយមពី sitoo 9

ចែក​រំលែក

isi mi'usni to nooe'oca ho yainca: <teko usa! maica os'o epeiya ci tenala fifiho a'o, tena yonto couyafana, honte, ho ito taico ta 'isolaelu ho epeaska 'o ongko'u.

mo e'toheʉngcʉ ta ceoa, tmalʉ to fihngau ci mo mainca: < saulo , saulo ! mainci osko akuzkuzoa a'o?> isi tuocosi: <nooe'oca. zou siya suu?> isi yut'inga to fihngau: <'ai'o oskoeno akuzkuzoa ci iesu na a'o.

cu a'ʉmtʉ emo'usnu maita'e 'o 'anania . yʉmeʉmʉ to emoo to ic'o, hoe'oci to emucusi 'o saulo , yainca: <nat'ohaesa ci saulo , i'o mo aopa'to suu ta ceonʉ ne mikon'a emo'usnu tan'e ci iesu isi skuna a'o ho poa uhtan'e, te i'vaha poa teolʉ suu, a'vinano tiou no nongcʉngci no seilei.> osni panto mais'a ho'hosʉ no yoskʉ mo i'mi to mcoo to saulo ho supeohʉ, micu yuovei bohngʉ, cu yʉc'ʉ ho tiou no toonono