ខគម្ពីរពេញនិយមពី sitoo 2

ចែក​រំលែក

isi mi'usni to petelo ho yainca: <temu acʉhʉ ma'vovei 'e mimu macicihi, a'vinano te boemi to ongko to iesu kilisto ho tiou no toonono, ko'ko poa peteongasneni na kuisimu, temucueno meelʉ tiou to isi pafeni to hamo ci seilei.

mo conci 'tohʉngʉ ho noa po'pa'cohivi to sitoo, i'upu tola nouteuyunu, o'upu eabobonʉ, toehungu 'inoli.

isi acʉha nongcʉngci to seilei, maito isi pafeni to seilei ci tonʉ ho ahoi mo'engho to e'e no mocmo ci hpʉhpʉngʉ.

akameosʉ yaa i'mi ne pepe ci mʉmʉ, mais'a mʉmʉ no mo meinsohʉ cimo taso ci poepe, meingcʉngcʉ ta ihe yoni ci emoo. ihe yaeza aiti 'omo mais'a mi'ausna no puzu ci umo, meiemo'ʉ ho tosvo to feango ta mo macicihi ci cou. isi acʉha nongcʉngci to seilei, maito isi pafeni to seilei ci tonʉ ho ahoi mo'engho to e'e no mocmo ci hpʉhpʉngʉ.

mo tohmʉskʉ 'o 'tohʉngʉhe, huhucmasi yu'eteuyunu to seiten, tenan'a apopaevai to macocono emoo ho toehungu eabobonʉ, boemi no 'aveoveoyʉ cofkoya ci 'tohʉngʉ ho toehungu bonʉ. la tohmomoengʉ to hamo, acʉhʉ bunananghiya ci natʉ'ca. 'o nooe'oca isi huhucmasa topuhngi to isi to'usni ci cou.

yainca to hamo: na eni te'o hioa ho tec'u puesona ta hpʉhpʉngʉ: te'o hoyuha ta macicihi 'e piepiya'u. na 'o'okomu tehe patvaha 'e e'e'u; 'e yu'fafoinanamu te baito to mavolosi; 'e mamameoimu te yacei to isi taunona'vʉ.

'o acʉcʉhʉ ci sinto mo a'cʉ'cʉnʉ nouteuyunu, 'o afu'u macucuma ihe toehunga titha. ihe yaeza phieni 'o ezoezoyʉ, maino tehe timsoa tamo macicihi ho aangaezeni to peisu.

ho mio, nate afu'u eyoho'ʉ to ongko to nooe'oca ci cou te asansano noa to'usni.

tena sveepʉ 'e hie ho o'te tiskova; mais'a hmuyu 'e feohʉ na tesi hia fʉhngoya; auyusi no cmʉ'ho 'o psoevohngʉ ho taunona'vʉ ci hie to nooe'oca, te acʉhʉ esmi 'emo maica.