ខគម្ពីរពេញនិយមពី kolinto 2 1

ចែក​រំលែក

temia 'aveoveoyʉ to amohamo to nooe'oca iesu kilisto! zou himngonghi ci amopepe, maezo 'oi'miza no ao'pou ta acʉcʉhʉ. ta ito esmiza ci mav'ov'o ci 'atutumzo, isi ao'pova a'to, poa meelʉ boemi no isi titha ao'pou a'to ho ao'pova 'omo maezo elʉ to mav'ov'o ci 'atutumio ci cou.

aʉlʉ mais'a a'mi ho totiski to kilisto ho tiou to man'i ci 'atutumzo, teto maezo i'mi to kilisto ho elʉ nomo man'i ci ao'pou.

imzac'o ta'hongi tec'u anana'va yʉsvʉta no mcoi. 'emo maica ci a'a'ausna isi poa cohivneni a'mi o'ate meelʉ noe'ocʉ no iachi. tec'o noe'ocʉ to moso poa smoevovei to mcoi ci hamo.

isi mi'usni to hamo na suu a'o ho hosoo, mito yunsou to 'ayumona to kilisto; isi ah'una a'to, ta feangoto isi topci to to'hongasi, a'vinano pafi to seilei ho siya ta 'tohʉngʉto, teyaineni note iftongi no ohsi afu'a ayocneni a'to ci acʉcʉhʉ ci hosoo.

hocimia yupteilʉ no 'atutumzo, matesi akoeva no poa elʉ no ao'pou na muu, elʉ no to'usnu; hocimza elʉ no ao'pou, temu maezo elʉ no ao'pou, a'vinano elʉ no tonʉ ho uveica 'e ito elʉa ci 'atutumzo.