ខគម្ពីរពេញនិយមពី Maatosa 6

ចែក​រំលែក

Shin ubbaafe sinthe Xoossaa kawotethaanne iya xillotethaa koyite; he ubbay hintew guji imetana.

Hessa gisho, wontos qopishe un7etofite. Wontoysi wontos aqo; issi issi gallasay baw gidiya metora de7ees.

“Hiza, si7ite! Hinte de7on daanaw, ‘Ay maanee? Ay uyanee? Ay ma7anee?’ gidi un7etofite; de7oy kathafe woyko asatethi ma7ope aadhenee?

Shin neeni woossiya wode, ne soo gela, wulaa gordada geeman de7iya ne Aawa woossa; geeman oosetidaysa be7iya ne aaway new woytuwa immana.

“Hiza, hinte yaagidi woossite: “ ‘Salon de7iya nu aawaw, ne geeshsha sunthay anjeto. Ne kawotethay yo, ne sheney salon hanidaysada sa7anka hano.

Gallasa kathaa hachi hachi nuus imma.

Nuuni nuna qohidaysata, atto geysada, nuuska nu qohuwa atto ga.

Nuna iitape ashshafe attishin, paacen gelsofa. [Kawotethay, wolqaynne bonchoy merinaw neesa; Amin7i.’]

“Hinte hintena qohidaysata atto giiko, salon de7iya hinte Aaway hinte qohuwaka atto gaana.

Salo kafota xeellite; enti zerokona, buucokona, shaalen yeggokona, shin hinte salo aaway enta muzees. Hinte entafe daro aadheketii?

“Bili miya bessan, birati shi7iyason, kaysoy bookidi ekiyason, ha sa7an, hintew shalo shiishopite. Shin bili moonnason, birati shi7onnason, kaysoy bookidi ekonnason salon hintew shalo shiishite. Ne shaloy de7iyasuwan ne wozanay de7ana.

“Issi asi nam7u godaas haaretanaw danda7enna. Issuwa dosiko hankuwa ixees; woyko issuwa bonchiko hankuwa kadhees. Xoossasinne miishes haaretanaw danda7eketa.

Hinteno, ammanoy pacidaysato, Xoossay hachi bentidi wonto taman wodhanaw de7iya maata yaatidi mayziyaba gidiko, hintena entafe aathidi waati mayzennee?

Shin hinte manqotas immiya wode hinte ushacha kushey ootheysa hinte haddirsa kushey eropo; hinte imoy geeman gido. Geeman ootheysa be7iya hinte aaway hintew woytuwa qoncen immana.

“Asi be7o gidi hinte lo77o oosuwa asa sinthan oothonnaada naagetite. Hessatho hanonna ixiko salon de7iya hinte Aawape woyto demmeketa.

“Hinte xoomiya wode cubbotatho kayotofite. Ayis giiko, enti xoomeysa asi erana mela banta som7uwa qitayoosona. Ta tuma odayis; enti banta woytuwa ekidosona. “Shin neeni xoomiya wode ne som7uwa meecca, ne huuphiya tiyetta. Hessada ne oothiko ne xoomiya xoomay asape geemmidaysa, shin geeman de7iya ne Aaway eriya xooma gidana. Geeman oosetidaysa be7iya ne Aaway new woytuwa immana.