ខគម្ពីរពេញនិយមពី Romanos 12

ចែក​រំលែក

Anive peikótei yvypóra kuéra oiko háicha, pemo'ambue uvei pende py'apy pegua ikatu haguã pe pende reko oñemoambue avei. Upéicharamo peikuaa vaerã Tupã Ñandejára rembipota, upéva he'ise, pe iporãva, pe ha'e oguerohorýva, pe oĩmbaitéva.

Upéva rehe, che ryvy kuéra, Tupã Ñandejára poroporiahuvereko rehe ajerure peẽme peẽ voi peñeme'ẽ haguã Tupã Ñandejárape mba'e kuave'ẽmbyre oikovévaicha, ichupe guarã añoite, upe ha'e oguerohory haguãicha. Upéicha pembojerovia vaerã peẽ ichupe.

Pevy'ákena pe pejerovia rupi; peropu'akakuaákena pehasa asy jave. Peñembo'e tapiákena.

Ani reheja pe ivaíva ipu'aka nde rehe. Upéva rangue, nde pu'aka nde uvei pe ivaíva rehe iporãva rupi.

Pejuayhu vaerã oñopesenguéicha, peñomotenonde ha peñombojerovia ojupe.

Pehayhúke pende rapichápe añetehápe. Peheja pe ivaíva, ha peñeha'ã pejapo pe iporãva.

Peñeha'ãmbaite ikatuha peve peiko porã haguã opavave ndive.

Che ryvy kuéra, ani peñevenga peẽ voi pende rapicha rehe, peheja Tupã Ñandejára pópe ha'e toporocastiga; Tupã Ñandejára Kuatiañe'ẽme niko he'i: “Che aporocastiga vaerã; che ambuekoviáta, he'i Ñandejára.”

Peñeha'ãkena, ani pene ate'ỹ, ha pejehu Ñandejárape kyre'ỹ pópe.

Pe Tupã Ñandejára ipy'aporã rupi he'i va'ekue chéve, ha'e opavave peẽme: anítei avave oñemomba'eguasu ojupe hekope'ỹ, pe jerovia Tupã Ñandejára ome'ẽ haguéicha peteĩ teĩmente uvei.

Ani pembyekovia avavépe ivaíva rehe ivaívape. Peñeha'ã pejapo pe iporãva opavave renondépe.

Peiko peteĩ py'ápe oñondive. Ani pejejapo, peñembojoja uvei umi mba'eve'ỹva váicha rehe. Ani pejerereko pende jupe iñarandúva ramo.

Ha oimeve ambue ñe'ẽ he'íva: “Pe nde rayhu'ỹva iñembyahýi ramo, emongaru, ha ijyuhéi ramo, emboy'u; upéicha rejapo ramo oguapy vaerã hese ha otĩ vaerã.”

Pehovasa umi pene mbohasa asývape. Pejerure Tupã Ñandejárape tohovasa ichupe kuéra ha ani pejerure ivaíva ichupe kuéra guarã. Pevy'a umi ovy'áva ndive, ha pejahe'o umi ojahe'óva ndive.

Peipytyvõ umi Jesús rehe ojeroviávape hemikotevẽme; perohorýkena umi pende rógape oguahẽvape.

Pe ñande rete rehegua heta háicha, ha na peteĩ mba'éi añorã, upéicha avei ñande kuéra, ñande reta ramo jepe, peteĩ teténte Cristo ndive, ha jajuaju ojuehe peteĩ tete reheguáicha.